2021/03/03
USD 2,811

Коронавирусын эсрэг вакцины зургаан тун тутмын нэг нь хаягдаж магадгүй

Н.Мичидмаа
2021/02/17

Японы эмч нар “Pfizer” компанийн вакциныг тарих явцад зургаан тун тутмын нэгийг нь авч чадалгүй хаяхаас өөр аргагүй байдалд ороод байгаа аж. Энэ тухай Японы Сайд нарын танхимын Ерөнхий нарийн бичийн дарга КацунобуКато хэвлэлийн бага хурлын үеэр мэдэгджээ. Вакцин хүрэлцэхгүй байгаа атал ийм үрэлгэн зан гаргах болсон шалтгаан нь вакциныг хийсэн савны хэлбэр гэдгийг Катоонцолжээ. Үйлдвэрээсээ нэг саванд зургаан тун вакцин багтсан гэж худалдаалж байгаа ч нандин вакцин бүхий “Pfizer” шилэн савны хийц хэлбэрээс болоод ердийн тариураар ердөө таван тун соруулж авах боломжтой, зургаа дах тунг савны ёроолд хаяхаас өөр аргагүй юм байна. Зургаа дах тунг соруулж авахын тулд тусгай тариур шаардлагатай байгаа аж. Энэ талаар Японы улстөрч ярихдаа “Бид энэ онцгой тариурыг их хэмжээгээр нөөцөлж авахыг хичээж байгаа” гээд ойролцоогоор таван сарын дараа л энэ вакциныг шаардлагатай өргөн хүрээнд хийх тул тэр болтол ийм тариур ховор байгаа, тэр болтол 12 сая хүн вакцины анхны тунг хийлгэж чадахгүй болно гэдгийг тайлбарлажээ.

 Вакцины савнаас болоод Японтой яг адил асуудалтай Испани, Герман гэх мэт улсууд тулгарсан байна. Тухай бүрд бүгд өөрийн боломжоор асуудлыг шийдэж байгаа аж. Жишээлэхэд, Германы Умард Рейн мужийн эмч нар арга сэдэж, албан ёсоор зургаан тун багтаасан савнаас нэгийг нь алдахгүй төдийгүй долоо дах тунг гүйцээж соруулдаг болно гэж мэдэгдсэн байна.

 

 



Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
107.189.11.153 |   2021/02/18
Шилдэг бэлгийн болзоо сайтад тавтай морилно уу --- Hosset.Com
Хариулах
66.181.161.127 |   2021/02/17
Манайх бас ингэх вий дээ.
Хариулах
202.126.92.234 |   2021/02/17
Зөв бичиж чадахгүй байж юун латинаар бичих дуртай юм. Эх сайхан монголоороо бичихгүй. Энэ тайлбарыг нь уншиж ойлгох гэж сүртэй юм боллоо шүү дээ. Хүнд хүргэх гэсэн юм бол зөвхөн монголоороо бичмээр юм.
Хариулах
124.158.81.230 |   2021/02/17
Laitai ymaa Arai hytadiin hulhi baktsin bish l bailtai uildverlej bgaa kompani ni savalgaandaa aldaa gargasan bol haygdaj baigaa vaktsinii uniig nohon toluuleh heregteishdee. Olon ulsad ingeh ym bol mash oh urgui zardal garah bailgui.
Хариулах