АНУ-ын 21 хотод цаг агаарын ажиглалт хийж эхэлснээс хойш хамгийн их хүйт бүртгэгдсэн тухай тус улсын Үндэсний цаг агаарын албанаас мэдээлжээ. Үүнээс Небраска мужийн Линкольн ба Хастингс хотуудад агаарын хэм хасах 35 ба хасах 34 градус хүртэл хүйтэрсэн. Шинэ Орлеан хотод хасах 38 градус болж хүйтэрсэн. Энэ мэтээр Небраска, Айов, Канзас, Миссури, Оклахом, Техас, Теннеси, Арканзас, Техас, Миссисипи, Луизиана гэсэн 11 мужийн 21 хотод хүйтний дээд амжилт эвдэгдсэн байна.
Эндээс Техас мужид гэхэд огцом хүйтэрсний улмаас 5 сая хүн цахилгаангүй, халаалтгүй болоод байгаа юм байна. Огцом хүйтрэхийг дагаад хүмүүс цахилгаан халаагч олноор ашиглаж эхлэхэд цахилгаан түгээх станцууд ачааллаа даалгүй цахилгааны ослын салгалт хийж эхэлсэн. Улмаар шатдаг хий, дизель түлш, бензиний хүн огцом өсжээ.
Ийм эгзэгтэй үед салхин цахилгаан станцууд эргэгч гол хөлдсөний улмаас зогссон нь цахилгааны хомсдолыг улам нэмэгдүүлсэн гэж байна. Мөн их хүйтний улмаас шатдаг хий ба шатахуун дамжуулдаг хоолой, шатдаг хий олборлодог цооногууд хөлдсөнөөр шатахууны хомсдол үүссэн байна.
°C
Сэтгэгдэл (1)