Германы хотуудын агаарын чанар 2020 онд мэдэгдэхүйц сайжирсан тухай “Welt” мэдээлсэн байна. Германы хэмжилтийн станцуудын мэдээгээр 2015 онд агаар дах азотын ислийн дундаж агуулга 40 мкг/м³ байсан. Эрх баригчид агаарын бохирдлыг багасгах эрс шийдэмгий арга хэмжээ авснаар дөрвөн жилийн дараа, 2019 онд энэ үзүүлэлт 32 мкг/м³ болж буурсан. Харин 2020 оны эхний хөл хориогоор азотын ислийн хэмжээ 28 мкг/м³ болж огцом буурсан байна.
Энэ талаар Германы Хүрээлэн буй орчны сайд ВеньяШульце ярихдаа ”Агаар илүү цэвэр, зам хөдөлгөөн нам гүм болж, хүмүүс гол төлөв явган эсвэл дугуйгаар явж байна. Бид хэрхэн гудамжны хөдөлгөөн хийн ялгаралтыг багасгаж болдог талаар 2020 онд бага ч гэлээ төсөөлөлтэй болж авлаа. Гэхдээ агаар дах азотын ислийн агуулга буурсны 25 хувийг л цар тахлын хөл хорио эзэлж байна. Хуучин хөнгөн тэргүүдийг шинээр сольсноор 50 хувийг нь бүрдүүлсэн бол ахин 25 хувийг нь машинуудын программ хангамжийг сайжруулснаар авсан. Сүүлийн үед нарийн ширхэгтэй тоосонцроор бохирдох нь ихээхэн буураад байгаа. Гэхдээ Хүрээлэн буй орчныг хамгаалах холбооны албанаас бүр ч ихийг шаардаж байна” гэжээ.
Сэтгэгдэл (0)
Сэтгэгдэл бичигдээгүй байна