Малайзын дээд шатны шүүх нь экс Ерөнхий сайдын эхнэр Розма Мансурыг авлига, хахуулийн хэрэгт буруугүй гэж үзэхээс татгалзсан байна.
Малайзын хууль сахиулах байгууллагууд нь НажибРазакыг Ерөнхий сайд байх үед түүний эхнэр РозмаМансур нь “Jepak Holdings” компанийг нэгэн мужийн олон зуун сургуульд цахилгаан үүсгүүр нийлүүлэх тендерт ялуулна гээд хариу болгож 187 сая рингит буюу ойролцоогоор 46,3 сая доллар шаардаж байсныг тогтоосон байна. Энэхүү тендерийн нийт үнэ нь 1,2 тэрбум рингит буюу ойролцоогоор 297,2 сая доллар байжээ. Түүнчлэн Розмаг Мансур нь 6,5 сая рингитийнхахууль авсан гэж буруутгагдаж байгаа юм байна. Хэрэв шүүхээс Розмаг буруутай гэж үзвэл 20 жил хорих ял, улсад учруулсан хохирлыг тав нугалсантай тэнцэх торгууль төлөх ёстой болох юм байна.
Нажиб Разак 2018 оны тавдугаар сард парламентын сонгуулиар ялагдсаны дараа түүний эхнэрийн авлигын хэргийг шалгаж эхэлсэн аж. Сонгуулиар ялагдсаны дараа Разак нь ойрын хүмүүстэйгээ хамт Малайзыг орхин гарах гэж оролдсон ч нисэх буудалд баривчлагдсан. Улмаар долоодугаар сард болсон шүүхээс Нажиб Разакийгхөрөнгө оруулалтын “SRC International” сантай холбоотой эдийн засгийн гэмт хэрэгт буруутай гэж үзээд 12 жил хорих, 210 сая рингит буюу 52 сая долларын торгууль төлөх шийтгэл ногдуулсан.
Сэтгэгдэл (0)
Сэтгэгдэл бичигдээгүй байна