Европын холбоо “Pfizer” компанид захиалж, бүр өнгөрсөн оны арванхоёрдугаар сард авах ёстой байсан 10 сая тун вакцинаа одоо хүртэл аваагүй байгаа тухай “Daily Mail” мэдээлж байна. “Pfizer” компани нь Европын холбоонд 4,8 сая тун вакцин л нийлүүлээд байгаа аж. Үүний өмнө Европын холбоо нь “AstraZeneca” болон “Moderna” компаниудаас захиалсан хэмжээгээр вакцинуудаа авч чадаагүйгээс вакцинжуулалт нь нэлээд асуудалтай тулгараад байсан юм. Эдгээр бэрхшээлээс үүдээд Европын холбоонд 100 мянган хүн тутамд ердөө 5,19 хүн вакцин хийлгэсэн байгаа нь туйлын хангалтгүй үзүүлэлт гэдэгтэй бүгд санал нийлжээ. Харьцуулахад, Европын холбооноос гарсан Их Британийн 100 мянган хүн тутамд 24,3 хүн вакцин тариулаад байгаа юм байна.
“Pfizer” компани нь дутуу нийлүүлсэн вакцинаа гуравдугаар сарын эхээр гүйцээж нийлүүлэхээр амлалт өгчээ.
Сэтгэгдэл (0)
Сэтгэгдэл бичигдээгүй байна