2021/07/29
USD 2,811

АНУ-д коронавирусээр нас барсан хүний тоо гурван дайны хохирлоос илүү гарчээ

Н.Мичидмаа
2021/02/22

Жон Хопкинсын их сургуулийн гаргасан мэдээгээр АНУ-д корона вирусийн улмаас 498,8 мянган хүн нас бараад байгаа аж. Энэ бол АНУ-аас Дэлхийн нэг ба хоёрдугаар дайн, Вьетнамын дайнд алдсан нийт хохирлоос давж гарсан тоо гэдгийг “The New York Times” сонин онцолжээ.

 АНУ-ын Ахмад дайчдын хэрэг эрхэлсэн яамнаас гаргасан мэдээгээр бол Дэлхийн нэгдүгээр дайны үеэр 53,4 мянган америк цэргийн албан хаагч амиа алдсан, Дэлхийн хоёрдугаар дайны үеэр 291,5 мянган хүн амиа алдсан, Вьетнамын дайнаар 47,4 мянган цэргийн албан хаагч амиа алдсан байдаг аж.

 Түүнчлэн АНУ нь корона вирусийн бүртгэгдсэн тохиолдлын тоогоор дэлхийд тэргүүлээд байна. Цар тахал эхэлснээс хойш АНУ-д 28,1 сая тохиолдол бүртгэгдсэн гэдгийг Жон Хопкинсын их сургуулийн мэдээлэл харуулж байна. Хоногийн хамгийн олон халдвар авсан тохиолдол нэгдүгээр сарын 2-нд бүртгэгдэхэд бараг 300 мянган хүнд COVID-19 оношлогдсон.