С.Энхболд: Маргааш өглөөнөөс эхлэн төр болон хувийн эмнэлгийн эмч, ажилтнуудыг вакцинжуулна

Эрүүл мэндийн сайд С.Энхболд: Манай улс 4 төрлийн вакцин оруулж ирнэ. ЗГ-аас хүн амаа вакцинжуулах төсөвт 226 тэрбум төгрөгийг баталж вакцинжуулалт болон вакцины агуулах, хадгалах, тээвэрлэх гээд бүх асуудлыг шийдвэрлэсэн байгаа. Дэлхий нийтэд вакцины үйлдвэрлэлт  хязгаарлагдмал болсон учраас үүнтэй холбоотойгоор бид анхнаасаа гэрээ хэлэлцээр хийсэн вакциныг татан авч, хадгалж нөөцлөхөөр төлөвлөн зохион байгуулж байна.Ингээд маргаашнаас эхлэн хувийн болон төрийн  эрүүл мэндийн салбарын бүх ажилтныг вакцинжуулалтад хамруулж эхэлнэ. Бид ДЭМБ-ын гаргасан зөвлөмж, зааврын дагуу дархлаажуулалтыг эхлүүлнэ. Зөвхөн сайн дурын үндсэн дээр вакцинжуулалт хийгддэг гэдгийг хэлэх хэрэгтэй.