Шинээр 1206 хүн халдвар авсан нь батлагдаж, хоёр иргэн энджээ

Сүүлийн 24 цагийн хугацаанд улсын хэмжээнд 1,206 иргэн коронавирусийн халдвараар өвчилж, нийт бүртгэгдсэн халдварын тохиолдол 444,719 болж нэмэгдлээ. Шинээр илэрсэн тохиолдлууд бүгд дотоодын халдвар бөгөөд 648 нь Улаанбаатар хотод, 558 нь орон нутагт бүртгэгдсэн байна.

Харамсалтай нь мөн хугацаанд коронавируст халдварын улмаас 80-аас дээш насны хоёр иргэн нас барж, COVID-19 халдварын улмаас нийтдээ 2,036 хүн эндээд байна. Талийгаачдын гэр бүл, төрөл төрөгсдөд гүн эмгэнэл илэрхийлье.