​ ТӨСВИЙГ МӨШГӨЕ: “МАК цемент” ХХК 164 тэрбум төгрөгийн өртэй, зээлийн эргэн төлөлтийн зөрчилтэй

Хөгжлийн банкны 66 зээлдэгчийн нэг, зээлийн эргэн төлөлтийн зөрчилтэй зээлдэгчийн жагсаалтад “МАК цемент” ХХК багтжээ. Хөгжлийн банкнаас 2014 онд 70 сая ам доллар буюу тухайн үеийн ханшаар 142 тэрбум төгрөгийн зээл авсан бөгөөд өнөөдрийн байдлаар 164 тэрбум төгрөгийн үлдэгдэлтэй байгаа юм.
Хөгжлийн банкнаас найдваргүй зээлдэгчдийн жагсаалтыг олон нийтэд ил болгож байгаатай холбоотойгоор МАК цемент ХХК-аас мэдэгдэл гаргасан. Уг мэдэгдэлд, компани чанаргүй зээлийн ангилалд ороогүй, ам доллларын тухайн үеийн ханшийн зөрүүнээс алдагдал хүлээж байгаа талаар дурджээ. МАК цемент ХХК нь зээлийн эргэн төлөлтийн зөрчилтэй болохыг Хөгжлийн банкнаас гаргасан мэдээлэлд дурдсан байгаа юм.