Х.Нямбаатар: Зөрчлийн тухай хуульд тодорхой өөрчлөлт оруулах шаардлага үүссэн

Өнөөдрийн /2022.03.09/ Засгийн газрын ээлжит хуралдаанаар хэлэлцсэн асуудлын талаар Хууль зүй, дотоод хэргийн сайд Х.Нямбаатар мэдээлэл хийлээ. Тэрбээр "Өнгөрсөн таван жилийн хугацаанд хэрэгжсэн Зөрчлийн тухай, зөрчлийг хянан шийдвэрлэх тухай хуулийг эргэн хараад шинэчилсэн найруулга хэлбэрээр оруулах нь зөв гэж үзэж байгаа. Иргэд, олон нийт зөрчлийн хуулийг торгодог, шийтгэдэг хууль гэж ойлгодог. Харин энэхүү өөрчлөлтөөр төрийн шалган туслах чиг үүргийг тодорхой болгож байгаа гэдгийг хэллээ.

Түүнчлэн зөрчил шалгадаг эрх бүхий 11 мянган албан тушаалтан зөрчлийн хэргийн дугаар авахдаа прокурорын байгууллагад ханддаг байсныг цахимаар авдаг болох томоохон өөрчлөлтийг хийж байна гэсэн юм.