БХБ-ын дэд сайд Э.Золбоо: Цементийн үйлдвэрлэгчид үндэслэлтэй үнээ нэмсэн юм билээ

Өнөөдөр Барилга хот, байгуулалтын яамнаас барилгын материалын үнэ нэмэгдсэн асуудлаар мэдээлэл хийлээ. Энэ талаар БХБ-ын дэд сайд Э.Золбоо "Хэдийгээр цар тахлын нөлөө байсан хэдий ч 2020 оноос хойш цементийн үнэ нэмэгдэхгүй байж байгаад огцом 25 хувиар нэмэгдсэнийг үйлдвэрлэгчид түүхий эдийн үнэ нэмэгдсэн, мөн ажиллах хүчний цалинг нэмэгдүүлэх шаардлага бий болсон гэж үзэж байгаа юм билээ. Үүнийг шалгах учиртай газар нь ШӨХТГ. Гэхдээ дан ганц ШӨХТГ шалгана гэлтгүй бид шалгаж үзэхэд үнэхээр бас өссөн тал байсан" гэсэн юм. 

Түүнчлэн цаашид цементийн үнийг бууруулахад төрийн зүгээс хариуд нь ямар дэмжлэг үзүүлэх вэ гэдэг бодлого боловсруулах хэрэгтэй. Өнөөдрийн байдлаар БНХАУ-д цементийн үнэ 550-750 юанийн хооронд байгаа гэдгийг хэллээ.