Нээлттэй сонсголын асуудлаар сэтгүүлч Н.Өнөрцэцэг, Ч.Лодойсамбуу нар УИХ-ын дарга Г.Занданшатартай уулзана

Хөгжлийн банкны эргэн тойронд болж буй асуудлаар нээлттэй сонсгол хийх үүрэг чиглэлийг УИХ-ын дарга Г.Занданшатар өгсөн. Энэ дагуу нээлттэй сонсголыг энэ сарын 29-ний өдөр зохион байгуулахаар товлоод байгаа юм. Уг асуудлаар сэтгүүлч Н.Өнөрцэцэг, Ч.Лодойсамбуу нар УИХ-ын дарга Г.Занданшатартай уулзаж, нээлттэй сонсголд хэвлэл мэдээллийн байгууллага, сэтгүүлчдийн оролцоог хэрхэн хангах талаар саналаа хэлэх юм. 

Нээлттэй сонсголыг 3 дугаар сарын 7-ны өдөр зохион байгуулахаар төлөвлөсөн ч хойшилж энэ сарын 29-ний өдөр товлогдоод байгаа нь энэ юм. Хөгжлийн банкны асуудлаар нээлттэй сонсголд УИХ-ын 19 гишүүн, хууль хяналтын байгууллагын төлөөлөл оролцоно гэсэн мэдээлэл байна. Дашрамд дурдахад, УИХ-ын дарга сэтгүүлчдийг өмнө нь хүлээн авч уулзахдаа “Хөгжлийн банкинд үүссэн хууль бус үйлдэлтэй хатуу тэмцэж, зээлийг зориулалт бусаар ашигласан, улс төрийн хамааралтай хүмүүст хатуу хариуцлага тооцох ёстой" гэдэг байр суурийг илэрхийлж байсан юм.