Ерөнхий сайд Л.Оюун-Эрдэнэ 2020 оны есдүгээр сард ЗГХЭГ-ын даргаар ажиллаж байхдаа “УИХ-ын тусгай хяналтын хороонд нууцаар өргөдөл өгсөн . Тусгай хяналтын хороо өргөдлийг хүлээн авч прокурорын байгууллага руу шилжүүлсэн. Хууль, хяналтын байгууллагаар хянагдаад явж байгаа гэсэн мэдээллийг өгч байна. ТЕГ-ын дарга Д.Гэрэл Эрдэнэтийн 49 хувийн асуудлын процесс өрнөж байхад надад шаардлага хүргүүлдэг байсан. Үүнийг нь миний бие хуулийн хүрээнд ч тэр биелүүлэх боломжгүй юм. Үүнээс болж хэд хэдэн удаа зөрчилдөж байсан. Тиймээс надад болон ойрын хүмүүс дээр минь гүйцэтгэх ажиллагаа явуулсан гэж үзэж өргөдөл өгсөн. Надад байгаа мэдээллээр намайг уулзалтууд хийгээд явж байхад дагасан байж болзошгүй. Тоног төхөөрөмж суурилуулах, хяналтын камерын бичлэг авах гэсэн зэрэг оролдлогууд нь урьдчилсан байдлаар тогтоогдчихсон гэсэн мэдээлэлтэй байгаа” гэх мэдээллийг өгч байв.
Л.Оюун-Эрдэнийг тагнасан байж болзошгүй гэх асуудлаар ТЕГ-ын дарга асан Д.Гэрэлээс манай сэтгүүлч тодрууллаа. Тэрбээр”Хууль бус зүйл ярьж болохгүй, худал мэдээлэл” гэх тайлбарыг өгсөн юм.
Сэтгэгдэл (0)
Сэтгэгдэл бичигдээгүй байна