Цэцэрлэгийн хүртээмжийг нэмэгдүүлэх 10 шийдлийг боловсруулжээ

О.Шүрэнцэцэг
2022/04/20

Боловсрол, шинжлэх ухааны яамнаас сургуулийн өмнөх боловсролын үйлчилгээг тэгш, хүртээмжтэй болгох зорилгоор ойрын хугацааны 10 шийдлийг боловсруулсан байна. Тэрхүү шийдлийг Л.Энх-Амгалан сайд танилцуулсан. Тэрбээр “Бүх хүүхдийг цэцэрлэгт хамруулахад шинээр 280 цэцэрлэг барих шаардлагатай. Нийслэлд жилд дунджаар 60-70 мянган хүн шилжин ирдэг гэж тооцвол, улсын төсвийн хөрөнгөөр цэцэрлэгийн хүртээмжийн асуудлыг шийдэх боломжгүй. Иймээс цэцэрлэгийн барилгыг улс, нийслэлийн төсөв болон төсөл, хөтөлбөрийн санхүүжилтээр барихын зэрэгцээ цэцэрлэгийн зориулалттай барилгыг түрээслэх, байгууллагын дэргэдэх цэцэрлэгийн үйл ажиллагааг дэмжих, хувийн цэцэрлэгүүдийн сул орон зайд хүүхэд хүлээн авах боломжийг бүрдүүлэхэд анхаарна. Ингэхдээ хүүхдийн тоогоор хувьсах зардал болон хоолны зардлыг олгохоор тооцсон. Алслагдсан гэр хороололд “Өргөө” цэцэрлэг барих ажлыг эрчимжүүлэх бөгөөд энэ онд хоёр цэцэрлэг барихаар төсөвт суулгасан байгаа” гэв.

Мөн ачаалал өндөртэй 57 цэцэрлэгийн найм нь орон сууцны, 26 нь шинэ хорооллын дунд байршилтай байгаа учраас орон сууцны нэг давхрыг цэцэрлэгийн зориулалтаар худалдаж авах, өөрийн газар дээр цэцэрлэг барьсан тохиолдолд төрөөс дэмжиж татварын хөнгөлөлт үзүүлэх талаар арга хэмжээ авна гэдгийг хэллээ. 

Түүнчлэн хүүхэд харах үйлчилгээг шинэ шатанд гаргахад анхаарч, 2-3 насны хүүхдийг тус үйлчилгээнд хамруулна. Ингэснээр ачаалал өндөртэй 57 байршилд 5000 гаруй хүүхдийг хүүхэд харах үйлчилгээнд хамруулах боломжтой гэсэн судалгаа хийсэн байна. Салбарын яамнаас гурав хүртэлх настай хүүхдийн цогц хөгжлийг дэмжих үйлчилгээний тогтолцоог нэвтрүүлэх ажлыг эхлүүлсэн. Сургуулийн өмнөх боловсролыг хүртээмжийг нэмэгдүүлэхэд хоёр настай хүүхэд бүрд хувьсах зардлыг шийдвэрлэх шаардлагатай. Одоогийн тогтолцоогоор сугалаагаар цэцэрлэгт орсон хүүхдэд л хувьсах зардлыг олгож байгаа. Цэцэрлэгт хамрагдаж чадаагүй хүүхдүүдэд хувьсах зардлыг олгодог болох асуудлыг судалж, тооцооллыг хийсэн гэдгийг онцолсон.



0
angry
0
care
0
haha
0
liked
0
love
0
sad
0
wow

Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.38
2022/04/20
0
0
2 хүртэл настай хүүхэдтэй эцэг эх хүүхдээ гэртээ асрахад хувьсах зардал өгнө гэж юу яриад байгаан бэ, хүүхдийн мөнгө, цалинтай ээж гээд зөндөө халамж байна ш дээ. Мөнгө байвал сургууль цэцэрлэгээ л барь. Барих газаргүй бол тэр орон сууц барина гээд хашаалчаад байгаа хувийн компаниудаасаа газрыг нь худалдаж аваад улсын сургууль цэцэрлэгээ барьж өг, хэдэн жил хүмүүст хувьсах зардал өгөх гээд байгаан тэгсээр байтал цөөн хэдэн хоосон газарт нь олон өндөр байшин бүх газарт бариад шинэ хорооллууд чинь хэзээ ч сургууль цэцэрлэгтэй болох боломжгүй болох гээд бна
Хариулах
66.181.161.38
2022/04/20
0
0
Тийм шүү, эцэг эх өөрөө төлөх хэрэгтэй
Хариулах
192.82.67.35
2022/04/20
0
0
Эцэг эхчүүдээс цэцэрлэгийн хүүхдийн хоолны мөнгө өдрийн 2000 төг авах хэрэгтэй бүхнийг улс даана гэж юу байсан юм бэ тэгээд багш нарынх нь цалинг нэм Соц нийгмийн үед тийм л байсан
Хариулах
202.21.109.58
2022/04/20
0
0
Боловсролын байгууллагад ажилчдах алаг бүү үзээ сайд гуай
Хариулах
103.143.41.2
2022/04/20
0
0
Энэ бас зөв санаа байна. Үнэхээр шинэ орон сууцны хорооллууд улсын цэцэрлэг сургууль алга маш их хүн ам төвлөрсөн байна. Гэхдээ цэцэрлэг сургуулийн стандарт агаарын солилцоо юмаа бодвол болж өгвөл тусгай байруудыг баримаар байна. Шинэ хорооллуудын дунд жоохон газрууд байна, даанч хувийн компаниуд өндөр орон сууц барихаар газрыг нь авсан байна, тэр компаниудаас төр газрыг нь худалдаж аваад сургууль цэцэрлэг бариад өгөөч, БЗД 26 хороо, Яармаг гээд олон хүн амтай бараг аймгийн дайтай улсын сургууль, цэцэрлэггүй газрууд байна, түгжрэл ч үүнээс болж байна
Хариулах
Шинэ мэдээ
Г.Сайханбаяр: Ажиллагааны оронд ажиллаж байсан туршлагатай алба хаагчдаа бид илгээсэн 4 цагийн өмнө
Монголын баг "Газиантеп" хотын нисэх буудалд газардлаа 5 цагийн өмнө
Танилц: Засгийн газрын хуралдаанаас гаргасан шийдвэрүүд 5 цагийн өмнө
Х.Болорчулуун: 5.5 сая үхрийг 13 тэрбум төгрөгөөр ээмэгжүүлнэ 5 цагийн өмнө
Ж.Ганбаатар: Хөрөнгийн биржийг түшиглэн нүүрсээ зарна 6 цагийн өмнө
Зөвлөлдөх уулзалтад 800 орчим иргэн санамсаргүй түүврээр сонгогдож оролцоно 6 цагийн өмнө
Х.Нямбаатар: Төрийн албанд шимигчилж амьдардаг хүмүүсийг шүүрдэн чөлөөлнө 6 цагийн өмнө
​Дэлхийн 70 гаруй орон Турк улсад тусламж үзүүлэхээ мэдэгдлээ 6 цагийн өмнө
Сирид хүйг нь тасалж амжаагүй дөнгөж төрсөн нярайг нурангиас аварчээ 8 цагийн өмнө
БНХАУ-ыг зорих Монголчуудын анхааралд 9 цагийн өмнө
Б.Гэрэлзаяа: Хүндхэн нөхцөлд орсон хүмүүст мэргэжлийнхээ ачаар тусалж байгаад баяртай байна 10 цагийн өмнө
Зафер Атеш: ​Монголын ард түмний сайхан сэтгэлийг Туркийн ард түмэн хэзээд мартахгүй 10 цагийн өмнө
Б.Ууганбаяр: Бидний мэргэжлийн стандарт нэг учраас аврах ажиллагаанд хүндрэл гарахгүй 10 цагийн өмнө
Туркийн ЭСЯ эмгэнэлийн дэвтэр нээнэ 11 цагийн өмнө
Г.Занданшатар: Төрийн албаны бүх шатанд авлигын үндсийг таслан зогсоох ёстой 11 цагийн өмнө
Ерөнхийлөгч асан Х.Баттулга нээлттэй сонсголд оролцож байна 11 цагийн өмнө
Tөрийн албан хаагчийн ёс зүйтэй холбоотой иргэдийн гомдлыг хянан шалгав 11 цагийн өмнө
“Улаанбаатар өвлийн наадам”-ын үеэр "City tour” хотын аяллын автобус иргэдэд үйлчилнэ 12 цагийн өмнө
​Засгийн газрын ээлжит хуралдаан үргэлжилж байна 12 цагийн өмнө
Өнөөдөр цаг агаар тогтуун байна 13 цагийн өмнө