"Ногоон сум" аян Өвөрхангай аймгаас эхэлж байна


 Хөрөнгийн зах зээлийг сурталчлах “Ногоон сум” аяныг өнөөдөр Өвөрхангай аймгаас эхлүүлж байна.

МҮОНРТ-ээс санаачилсан тус аянд Сангийн яам, Монгол банк, Хөрөнгийн бирж, Үнэт цаасны төвлөрсөн хадгаламжийн төв, Санхүүгийн зохицуулах хороо, банк, санхүүгийн байгууллагууд оролцож, иргэд, олон нийтэд хөрөнгийн зах зээл, хувьцааны талаарх цогц мэдээллийг өгч байгаа юм.

УИХ-аас 2021 онд Банкны тухай хуулинд нэмэлт өөрчлөлт оруулж, системийн нөлөө бүхий арилжааны банкуудыг Монголын хөрөнгийн биржид бүртгэлтэй, нээлттэй хувьцаат компаний хэлбэрээр үйл ажиллагаа явуулахыг тусгасан байдаг. Уг хуулийн заалтыг Хаан, Хас, Голомт, ХХБ, Төрийн банк дэмжиж, энэ оны 6 дугаар сард багтаан хувьцаат компани болох үүрэг хүлээн ажиллаж байна.

Тухайн банкуудын нээлттэй хувьцаанд цалингаасаа гадна нэмэлт орлоготой болохыг хүссэн хүн бүр оролцох боломжтой бөгөөд энгийн иргэд хөрөнгийн зах зээлд идэвхтэй оролцсоноор нийгмийн дундаж давхаргын түвшин харьцангүй дээшилж эхэлдгийг зохион байгуулагчид хэлж байв.

“1990-ээд оны хувьчлалаар хөрөнгийн зах зээл гэх ойлголт бий болж, 475 обьектийг 1.1 сая иргэнд цэнхэр, ягаан тасалбараар хувьчлал болгон олгож байсан. Тухайн үед дийлэнх иргэд хувьцааны талаар мэдлэг муу байсны улмаас бүрэн ашиглаж чадаагүй. Тэгвэл энэ арга хэмжээнд оролцсоноор таны болон аав, ээжийн тань цэнхэр, ягаан тасалбар аль байгууллагад хувьцаа хэлбэрээр хадгалагдаж байгааг шалгуулах, мөн дээрх банкуудын хувьцааг худалдан авах боломжтой” хэмээн аймгийн Засаг дарга А.Ишдорж хэллээ.

МҮОНРТ-ээс “Ногоон сум” аяныг 21 аймагт зохион байгуулах бөгөөд хөрөнгийн зах зээлийн өсөлтийг ногоон сум илэрхийлдэг учраас аянаа ийнхүү нэрлэсэн хэмээн “Монголын мэдээ” сувгийн захирал Р.Гандиймаа онцолсон юм.

Аяны хүрээнд  хөрөнгийн зах зээлийн өнөөгийн нөхцөл байдал, нийтэд санал болгон хувьцаа гаргасан компаниудын тухай, арилжаанд хэрхэн оролцож, хувьцааг эзэмших талаар дэлгэрэнгүй мэдээллийг олон нийтэд өглөө. 


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Г.Сайханбаяр: Ажиллагааны оронд ажиллаж байсан туршлагатай алба хаагчдаа бид илгээсэн 5 цагийн өмнө
Монголын баг "Газиантеп" хотын нисэх буудалд газардлаа 6 цагийн өмнө
Танилц: Засгийн газрын хуралдаанаас гаргасан шийдвэрүүд 6 цагийн өмнө
Х.Болорчулуун: 5.5 сая үхрийг 13 тэрбум төгрөгөөр ээмэгжүүлнэ 6 цагийн өмнө
Ж.Ганбаатар: Хөрөнгийн биржийг түшиглэн нүүрсээ зарна 6 цагийн өмнө
Зөвлөлдөх уулзалтад 800 орчим иргэн санамсаргүй түүврээр сонгогдож оролцоно 7 цагийн өмнө
Х.Нямбаатар: Төрийн албанд шимигчилж амьдардаг хүмүүсийг шүүрдэн чөлөөлнө 7 цагийн өмнө
​Дэлхийн 70 гаруй орон Турк улсад тусламж үзүүлэхээ мэдэгдлээ 7 цагийн өмнө
Сирид хүйг нь тасалж амжаагүй дөнгөж төрсөн нярайг нурангиас аварчээ 8 цагийн өмнө
БНХАУ-ыг зорих Монголчуудын анхааралд 9 цагийн өмнө
Б.Гэрэлзаяа: Хүндхэн нөхцөлд орсон хүмүүст мэргэжлийнхээ ачаар тусалж байгаад баяртай байна 10 цагийн өмнө
Зафер Атеш: ​Монголын ард түмний сайхан сэтгэлийг Туркийн ард түмэн хэзээд мартахгүй 10 цагийн өмнө
Б.Ууганбаяр: Бидний мэргэжлийн стандарт нэг учраас аврах ажиллагаанд хүндрэл гарахгүй 11 цагийн өмнө
Туркийн ЭСЯ эмгэнэлийн дэвтэр нээнэ 11 цагийн өмнө
Г.Занданшатар: Төрийн албаны бүх шатанд авлигын үндсийг таслан зогсоох ёстой 12 цагийн өмнө
Ерөнхийлөгч асан Х.Баттулга нээлттэй сонсголд оролцож байна 12 цагийн өмнө
Tөрийн албан хаагчийн ёс зүйтэй холбоотой иргэдийн гомдлыг хянан шалгав 12 цагийн өмнө
“Улаанбаатар өвлийн наадам”-ын үеэр "City tour” хотын аяллын автобус иргэдэд үйлчилнэ 12 цагийн өмнө
​Засгийн газрын ээлжит хуралдаан үргэлжилж байна 12 цагийн өмнө
Өнөөдөр цаг агаар тогтуун байна 13 цагийн өмнө