АНУ-аас Монгол Улс руу хар тамхи хууль бусаар нэвтрүүлж, хүлээн авч байсан этгээдийг үйлдэл дээр нь таслан зогсоожээ

2022 оны 4 дүгээр сарын 28-ны өдөр Гаалийн ерөнхий газар, Тагнуулын ерөнхий газрын хамтарсан тусгай арга хэмжээний хүрээнд АНУ-аас Монгол Улс руу хар тамхи хууль бусаар нэвтрүүлж, хүлээн авч байсан этгээдийг үйлдэл дээр нь таслан зогсоож, саатуулжээ. Энэ нь маш хүчтэй мансууруулах үйлчилгээтэй ТНС дельта 9 хэмээх бодисыг өндөр тунгаар агуулсан шингэн хар тамхи байсан байна. Гааль, тагнуулын байгууллагын хамтарсан арга хэмжээний хүрээнд энэ он гарснаас хойш 8 удаагийн үйлдлийг таслан зогсоож 1 кг гаруй хүчтэй үйлчилгээтэй, шинэ төрлийн мансууруулах бодис улсын хилээр нэвтрүүлэхийг завдсан үйлдлийг таслан зогсоож, хуулийн дагуу холбогдох ажиллагааг явуулж байгаа талаар эх сурвалжаас мэдээллээ.