УИХ-ын гишүүн Г.Ганболд Өвөрхангай аймагт тавигдаж буй улсын чанартай 60 км авто замын засварын ажилд хяналт шалгалт хийж, ажлын дүнг сайжруулахыг шаардлаа. Арвайхээр-Улаанбаатар чиглэлийн улсын чанартай авто замын 371-431 км дэх хэсэгт засварын ажил хийгдэж байгаа ч хөдөлмөрийн аюулгүй байдал алдагдсан, чанаргүй зам тавьж эвдрэл үүссэн, ажилчдын цалин хөлсийг олгодоггүй, техникийн түрээсээ төлөөгүй, орчуулагч нь харамсалтайгаар нас барсан зэрэг олон асуудал дагуулж байгаа.
Иймд Зам, тээврийн хөгжлийн сайдаас Азийн хөгжлийн банк, ЗТХЯ-ны хамтарсан ажлыг хэсэг байгуулан газар дээр нь ажиллуулж замын чанар, ажилчдын нөхцөл байдлыг сайжруулахад онцгой анхаарал хандуулж ажиллахыг ЗТХ-ийн сайд Л.Халтар сайдаас шаардлаа.
Мөн өчигдрйин УИХ-ын чуулганы нэгдсэн хуралдаанаар 2023 оны төлөвлөгөөнд хүнсний хангамж, аюулгүй байдал, халамжаас хөдөлмөр рүү, олборлолтоос боловсруулалт руу, импортоос экспорт руу зэргээр бүлэг зорилтын хүрээнд тодорхой заалтуудыг тусгах шаардлагатай байгаа талаар УИХ-ын гишүүн Г.Ганболд саналаа илэрхийлсэн.
Сэтгэгдэл (0)
Сэтгэгдэл бичигдээгүй байна