2022/06/26
USD 2,811

Г.Ганболд: ​Ойжуулалтын чиглэлээр идэвхтэй ажиллавал санхүүгийн дэмжлэг, мөнгөн урамшуулал олгоно

Ш.АДЪЯАМАА
2022/05/25

Улсын Их Хурлын Байгаль орчин, хүнс, хөдөө аж ахуйн байнгын хорооны өчигдрийн (2022.05.24) хуралдаанаар Засгийн газраас 2022 оны 03 дугаар сарын 28-ны өдөр өргөн мэдүүлсэн Ойн тухай хуульд нэмэлт, өөрчлөлт оруулах тухай хуулийн төслийн  анхны хэлэлцүүлгийг хийсэн. 

Энэ үеэр УИХ-ын гишүүн Г.Ганболд дараах байр суурийг илэрхийлсэн юм.Тэрбээр "Хуулийн зарим заалтыг тодорхой, хэрэгжих боломжтойгоор боловсруулмаар байна. Ойн тухай хуульд нэмэлт, өөрчлөлт оруулах тухай хуулийн төсөлд сумдын ойн асуудал хариуцсан мэргэжилтнийг аймгийн удирдлага, салбарын сайдтай зөвшилцөж томилохоор тусгажээ. Үүнийг өөрчилж орон нутагт томилох эрхийг өгөх нь зөв юм.Ойн нөхөн сэргээлт, мод үржүүлгийн чиглэлээр ажиллагсдад газар эзэмшүүлэх талаар мөн тусгажээ. Энэ заалт бодит амьдрал дээр шууд хэрэгжих боломжгүйг анхаармаар байна.


Ойжуулалтын чиглэлээр идэвхтэй ажиллавал санхүүгийн дэмжлэг, мөнгөн урамшуулал олгохоор заажээ. Хуулийн төслийг дагасан журам боловсруулж бодитой ажил хийхгүй бол иргэдийг горьдоосон асуудал үүснэ" шүү гэв. 


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна