УИХ-ын чуулганы \2022.06.03\-ны өдрийн нэгдсэн хуралдаанаар Төр, хувийн хэвшлийн түншлэлийн тухай хуулийн төслийг хэлэлцлээ. Хэлэлцэж буй хуулийн төсөлтэй холбогдуулан УИХ-ын гишүүн Д.Өнөрболор Засгийн газраас оруулж ирсэн Төр, хувийн хэвшлийн түншлэлийн хуулийг сайжруулах шаардлагатайг санууллаа.
Тэрбээр "Энэ хуулийн төсөл нийгмийн бүхий л салбарт үйлчлэх чухал хууль. УИХ-д бэлтгүүлэх үүрэг бүхий ажлын хэсгийг УИХ-ын даргын захирамжаар байгуулах саналтай байна.Миний бие хуулийн төслийг боловсруулах ажлын хэсгийг ахалж байсны хувьд мөн үргэлжлүүлэн ахалж ажиллах хүсэлтэй байгаагаа илэрхийлье. Ингэснээр цаг хугацаа хэмнэнэ.
Төр хувийн хэвшлийн түншлэлийн хуулийн төслийг Засгийн газраас оруулж ирсэн хувилбараар нь би дэмжихгүй гэж хэлэхэд Сангийн сайд хатуурхсан байдалтай хандаж байна. Хэрэв Сангийн сайд аа, та энэ хувилбараар нь хуулийг батлуулахаар зорьж байгаа бол Монгол Улсын хөгжлийг ухраасан шийдэл болсон шүү гэдгийг анхааруулж хэлье. Хуулийн төслийг би сайжруулахыг төлөө хандаж байгаа болохоос биш дэмжихгүй байгаа зүйл огтхон ч биш. Харин Сангийн сайд таны ирээдүйд өлзийтэй гэж бодож байна. Төр, хувийн хэвшлийн түншлэлийг таны тайлбарлаж байгаа шиг нийгмийн дэд бүтэц, үйлчилгээнд чиглэсэн үйл ажиллагаагаар хязгаарлах ёсгүй" гэлээ.
Сэтгэгдэл (0)
Сэтгэгдэл бичигдээгүй байна