УИХ-ын чуулганы нэгдсэн хуралдаан эхэллээ. Хуралдааны өмнө УИХ-ын гишүүн Б.Пүрэвдорж цаг үеийн асуудлаар дараах байр суурийг илэрхийллээ.
Тэрбээр “Сүүлийн үед төр сошиалаар асуудалд ханддаг нь хэрээс хэтэрч байна. Өчигдөр Зайсанд хэдэн гэр буулгах, тэндэхийн ажилтныг баривчиллаа. Энэ арай хэтэрч байна. Төр зөвшөөрснөөс бусдыг явуулах боломжтой. Харин аж ахуй нэгжүүд хориглосноос бусад бүх зүйлийг хийх боломжтой. Өөрсдөө аялал жуулчлал явуул гэж тэнд зөвшөөрөл өгчхөөд буцаагаад дээрэмдэж авч байгаа нь буруу зүйл. Эндээс харахад төр олон зүйл рүү төр дайрч орлоо. Төр Хөтөл рүү дайрч орсноос болж цемент гаргахаа байчихсан. Хөгжлийн банкнаас зээл авсан "Бэрэн"-ийн асуудал юу болов. Махны асуудал байна. Экспортод цөөн хэдэн уул уурхайн бүтээгдэхүүн багтдаг. Гэтэл хөдөө аж ахуйн бүтээгдэхүүнээс орлого олох боломжийг хааж байна. Монголын аж ахуй нэгжүүд энд давхар хохирч байна. Дулааны аргаар боловсруулсан мах ойролцоогоор 20 мянган төгрөгийн үнэтэй. Чанартай мах байгаа. Үүнийг экспортолбол 100 гаруй мянган ам.долларын орлого олох боломжтой. Энэ махыг хэрэглэдэг монгол хүн байхгүй. Гэтэл төр нь оролцоод хаачихлаа. Ингэж сошиалд автаж төр засгийн үйл ажиллагаа явагдана гэдэг буруу, хариуцлагагүй. Цаашдаа бүх зүйлийг та нар социализм руу буцаагаад аваач л даа. Хамаг орлого олдог бизнес рүүгээ төр ороод байвал эцэстээ ямар ч орлогогүй болох байдал руу очно шүү. ТӨК-иудаас өнөөдөр хоёрхон компани л ашигтай ажиллаж байна, бусад нь бүгд алдагдалтай ажиллаж хулгай үүрлэсэн. Хувийн хэвшлээ дээрэмддэг буруу жишгийг нийслэлийн удирдлагууд тогтоож байна. Хувийн хэвшлээ УИХ хамгаалах ёстой" шүү гэв.
Сэтгэгдэл (0)
Сэтгэгдэл бичигдээгүй байна