Барилгын салбарын бүтээн байгуулалт ид өрнөж байгаа энэ үед гол түүхий эд болох цемент ховордож энэ хэрээр үнэ нь өссөн. Энэ асуудалд хэрхэн анхаарч байгаа талаар БХБ-ын сайд Б.Мөнхбаатараас тодрууллаа.
Тэрбээр "Цементийн үнийг сүүлийн хоёр жил өсгөөгүй. Дотоодын үйлдвэрлэлийг тавхан хувиар өсгөж ажиллаж байсан. Хөгжлийн банкны асуудлаас болж олон асуудал үүссэн Тухайлбал, Хөдөлмөрийн хуульд орсон 14 хоног ажлаад 14 хоног амраах заалт нөлөөлсөн. Мөн тоног төхөөрөмжийн элэгдэл нөлөөлж байгаа.Асар том тоног төхөөрөмжөөр ажилладаг. Томоохон үйлдвэрүүд тулгамдаж буй асуудлаа ярьж байна. Тухайлбал, МАК буталбарын үйлдвэрийн тоног төхөөрөмжөө оруулж чадахгүй, гааль дээр гацаад байна. Мак гэхэд цементийн уут нь хил дээр гачихсан байна.
Улааны цементийн үйлдвэр нь Хятадын хөрөнгө оруулалттай компани. Бид гуйсан. Тэд ашиггүй гээд зогсчихсон байна. Энэ компани Улаанбаатарын жижиглэнгийн бизнесийг хангадаг байсан. Хөтөлийн цементийн үйлдвэр улсад ирсэн ч засвар орж байгаа. Энэ сарын 20 гэхэд ашиглалтад оруулна гэдгийг захирал нь хэлсэн. Цементийн үйлдвэрүүдтэй уулзаж, үнийг барих талаар ярьсан. Гэвч тээвэрлэлтэд асуудал үүссэн. Улаанбаатар төмөр замтай энэ талаар уулзаж ярьсан" гэлээ.
27°C
Сэтгэгдэл (36)