Өнөөдрийн байдлаар Хөгжлийн банкны чанаргүй зээлийн эргэн төлөлт 291 тэрбум төгрөг болжээ. Хөгжлийн банкыг шалгах Хяналт, шалгалтын түр хорооны дарга, УИХ-ын гишүүн Ж.Сүхбаатараас зарим зүйлийг тодруулахад, тэрбээр "Зээл төлүүлэх асуудал бүх шатанд явагдаж байна. 2020 онд Монголбанкнаас Хөгжлийн банканд шалгалт хийж, уг шалгалтаар тус банкны үйл ажиллагаа хүндэрч, чанаргүй зээл нэмэгдсэн болохыг тогтоосон байдаг. Гэтэл тухайн үед Сангийн сайдаар ажиллаж байсан Ч.Хүрэлбаатар энэхүү шалгалтын материалыг Засгийн газарт танилцуулалгүй нууж дарснаар өнөөдөр Хөгжлийн банкны асуудал хүнд байдалд орчихоод байна. Хэрэв тухайн үед Ч.Хүрэлбаатар арга хэмжээ авч, үндсэн ажлаа хийсэн бол байдал ийм болтлоо хүндрэхгүй байх байсан нь тодорхой.
Өөрөөр хэлбэл, Ч.Хүрэлбаатар Хөгжлийн банкны асуудлыг бүтэн хоёр жил дарж нуусан гэмт хэргийн шинжтэй нөхцөл илэрсэн. Мэдсээр байж нууна гэдэг нь гэмт хэрэг" гэдгийг тэрбээр хэллээ.
Сэтгэгдэл (0)
Сэтгэгдэл бичигдээгүй байна