Сангийн сайд Б.Жавхлан Кью-Эс-Си компанийн өр төлбөр болон цаг үеийн асуудлаар мэдээлэл хийлээ.
Тэрбээр "Оны эхний хагас жилийн байдлаар Хөгжлийн банкны чанаргүй зээлийн эргэн төлөлт 485 тэрбум боллоо. Ялангуяа сүүлийн долоо хоногт нэр бүхий томоохон зээлүүд дээр Засгийн газар, Сангийн яам, Хөгжлийн банк анхаарч ажилласан. Энэ үр дүнд Хөгжлийн банкан дээр "Кью-Эс-Си" компанийн нэг 191.1 тэрбум төгрөгийн чанаргүй зээл мөнгөн хөрөнгөөр бүрэн төлөгдөж дууслаа. Ингэснээр тус дүнгээр Хөгжлийн банканд алдагдлын сан байгуулж, энэ хэмжээгээр өөрийн хөрөнгө буурах байсан эрсдэл хаагдсан. Мөн сайн мэдээ нь Хөгжлийн банканд зээлжих зэрэглэлийн агентлаг шалгалт хийж байсан. Өнгөрсөн долоо хоногт энэ зээл амжилттай төлөгдсөнөөр мөн Хөгжлийн банканд байгаа төрийн өмчийн компаниудын 500 орчим тэрбум төгрөгийн чанаргүй зээлд ойрын хугацаанд хэрхэн бүтцийн өөрчлөлт хийх, Засгийн газрын зүгээс хэрхэн төлж барагдуулах вэ гэдэг бодлогын тогтоол гарсан.
Энэ бүхний үр дүнд Хөгжлийн банкны зээлжих зэрэглэлийг Засгийн газрынхтай адилхан буюу хэвээр үлдээсэн. Энэ нь тогтвортой буюу ВВ гэсэн үнэлгээ.
2023 оны есдүгээр сард төлөгдөх ёстой байсан Евро бондын 500 сая ам.доллар, 2023 оны 12 дугаар сард төлөгдөх ёстой Засгийн газрын баталгаатай Самурай бондын эрсдлээс бид тодорхой хэмжээнд гарч байна. Зургаадугаар сарын 30-нд тус банкны зээлжих зэрэглэл буурахгүй гарснаар балансаа сайжруулах бүтцийн өөрчлөлтийг хийх боломжууд мөн бүрдэж байна" гэлээ.
Сэтгэгдэл (0)
Сэтгэгдэл бичигдээгүй байна