Оны эхний хагас жилийн байдлаар Хөгжлийн банкны чанаргүй зээлийн эргэн төлөлт 485 тэрбум төгрөгөөр төлөгдөж, тус банкны зээлжих зэрэглэлийг тогтвортой буюу ВВ гэсэн үнэлгээ тавигджээ.
Энэ тухай Хөгжлийн банкны гүйцэтгэх захирал Н.Мандуул ярихдаа "Хөгжлийн банкны нөхцөл байдал тун хүнд байсан. Өнгөрсөн оны сүүлээр Монголбанкнаас Хөгжлийн банканд шалгалт хийгээд банкны чухал үзүүлэлт болох өөрийн хөрөнгийн хүрэлцээний харьца маш бага хувьтай гарсан. Өнгөрсөн хугацаанд чанаргүй зээлүүдийг төлүүлэх арга хэмжээнүүдийг авч ажилласаны үр дүнд Кью-Эс-Си компани 191.1 тэрбум төгрөгийн зээлээ бүрэн төлж барагдууллаа.
Ингэснээр манай банкны өөрийн хөрөнгийн харьцааны хүрэлцээ 13.8 хувьд хүрсэн нь банк хэвийн үйл ажиллагаанд очиход тун дөхсөн гэсэн үг. Оны эцэс гэхэд бид аливаа бэрхшээлгүй, хэвийн үйл ажиллагаандаа орно гэсэн зорилттой ажиллаж байна" гэлээ.
Сэтгэгдэл (0)
Сэтгэгдэл бичигдээгүй байна