"Дээлтэй Монгол" наадмын үеэр "Дээлтэй диско" болно

Ш.АДЪЯАМАА
2022/07/08

НЗДТГ, Нийслэлийн Аялал жуулчлалын газар, Монголын Аялал жуулчлалын холбоо, "Монгол костюмс" ХХК хамтран  “Дээлтэй монгол наадам”-ыг маргааш буюу долдугаар сарын 9-нд зохион байгуулах гэж байна.


Үндэсний хувцасны өдрийг тохиолдуулан 16 дахь жилдээ зохиож байгаа наадам Сүхбаатарын талбайд 11:40-20:00 цагийн хооронд үргэлжлэх юм. Наадмын зохион байгуулалтын талаар Нийслэлийн Аялал жуулчлалын газрын дарга Д.Батсүх, СУИС-ийн Соёл судлалын тэнхимийн эрхлэгч, доктор Б.Мөнхбадрал нар мэдээлэл хийлээ.

Нийслэлийн Аялал жуулчлалын газрын дарга Д.Батсүх “Наадмын хамгийн гол үйл ажиллагаа бол Монгол үндэсний хувцастай иргэдийн баярын жагсаал байдаг. Нийслэлийн бүх дүүрэг, хорооны иргэдийн төлөөлөл үндэсний хувцсаараа гоёж оролцдог. Мөн үндэсний хувцасны загварын үзүүлбэр, ардын урлагийн тоглолт, мэргэжлийн урлагийн байгууллагуудын мэндчилгээ, үзэсгэлэн худалдаа, тойрон бүжиг зэрэг олон арга хэмжээ зохион байгуулна” хэмээв.

Түүнчлэн зургаан гэр барьж, монгол ахуй, соёлыг харуулсан үзэсгэлэн дэлгэх аж. Мөн 18:00-20:00 цагийн хооронд Дээлтэй диско буюу орчин үеийн залуучуудын дуртай дуучид, хамтлаг, DJ нарын тоглолт болох юм. “Дээлтэй монгол наадам”-д 21 аймаг, 330 сумын иргэдийг оролцуулахаар урилгыг тавдугаар сард  хүргүүлжээ. Одоогийн байдлаар Архангай, Баян-Өлгий, Өмнөговь, Дорнод зэрэг аймгаас 27 иргэн оролцохоор бүртгүүлээд байна.

СУИС-ийн Соёл судлалын тэнхимийн эрхлэгч, доктор Б.Мөнхбадрал “Манай сургууль наадмыг дэмжин, шилдгүүдийг шалгаруулах шүүгчийн бүрэлдэхүүнд ажиллаж байна. Энэ наадам бол үндэсний дээл, хувцас, өв соёлд хүндэтгэл үзүүлж байгаа арга хэмжээ болж хэвшсэн. Шилдэг дүүрэг, байгууллага, дээл урлаач, шилдэг хос, шилдэг эмэгтэй, эрэгтэй, хүүхэд, шилдэг гадаадын иргэдийг шалгаруулах юм. Шилдэг байгууллага, дүүргийг шалгаруулахдаа бүтээлч байдал, оролцоо, үндэсний дээл хувцсаараа илэрхийлж байгаа агууламжийг харгалзана. Харин иргэдэд үндэсний хувцасны иж бүрэн байдал, хувцасны талаарх танин мэдэхүйн мэдлэг зэрэг шалгуур тавина” хэмээсэн юм.

Үндэсний их баяр наадмын нээлт болж зохион байгуулагддаг энэхүү бага наадам нь Монгол туургатан улсуудын наадам болж өргөжин, 2019 онд тус наадамд БНХАУ-ын ӨМӨЗО, ОХУ-ын Тува Улсаас иргэд ирж оролцож байсан. Тус наадмыг нийтдээ 100 мянга гаруй хүн үзэж сонирхсоноос 3000 гаруй нь гадаадын жуулчид байжээ.

“Дээлтэй монгол наадам” нь монголчуудын уламжлалт өв соёл, үндэсний хувцасны язгуур хэв шинж, үндэстэн ястны дээл хувцас, эд хэрэглэл, ардын урлагийн биет болон биет бус өвийг сурталчлах, үндэсний хувцсаараа дамжуулан үр хойчдоо түүх, соёл, уламжлалаа өвлүүлэн үлдээх, нийслэл Улаанбаатар хотыг олон улсад сурталчлах, жуулчдын хэрэгцээнд нийцсэн хотын аяллын бүтээгдэхүүн, шинэлэг үйлчилгээг бий болгох зорилготой юм.

“ДЭЭЛТЭЙ МОНГОЛ НААДАМ 2022” АРГА ХЭМЖЭЭНИЙ ХӨТӨЛБӨР

Хугацаа

Хөтөлбөр

11:40-13:30

Монгол үндэсний хувцастай иргэдийн баярын жагсаал

13:30-13:10

Нээлт

Морин хуурийн чуулга, Өнө уртын дууны чуулга

13:40-13:50

Соёлын сайд Ч.Номин, Нийслэлийн Засаг дарга бөгөөд Улаанбаатар хотын Захирагч Д.Сумъяабазар үг хэлнэ.

13:50-14:00

Ардын урлагийн тоглолт- Мэргэжлийн урлагийн байгууллагуудын мэндчилгээ

14:00-14:25

Үндэсний хувцасны загварын үзүүлбэр

14:25-15:15

Ардын урлагийн тоглолт- Мэргэжлийн урлагийн байгууллагуудын мэндчилгээ

15:15-15:45

Шилдгүүдийг тодруулна

-       Шилдэг байгууллага

-       Шилдэг дүүрэг

-       Шилдэг хос

-       Шилдэг эрэгтэй

-       Шилдэг эмэгтэй

15:45-16:00

Ардын урлагийн тоглолт- Мэргэжлийн урлагийн байгууллагуудын мэндчилгээ

16:00-16:50

Шилдгүүдийг тодруулна

-       Шилдэг хүүхэд

-       Шилдэг эрэгтэй /гадаад/

-       Шилдэг эмэгтэй /гадаад/

-         Бүжгийн аяны шилдэг оролцогч

16:50-17:10

“Тойрон бүжиг” Намнаа хамтлаг

17:15-19:50

Орчин үеийн хамтлаг дуучдын тоглолт

Дээлтэй диско

19:50-20:00

 

Хаалт

 



2
angry
0
care
1
haha
0
liked
0
love
1
sad
1
wow

Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
102.89.47.92
2022/07/09
0
0
Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST [email protected] хаягаар бид танд бөөрнийх нь хэмжээгээр санал болгох болно. Yнэ: $780, 000 (Долоон зуун, Наян мянган доллар)
Хариулах
213.87.149.116
2022/07/09
0
0
Хамгийн сайн тавтай морилно уу секс болзоо сайт --- www.Hot24.pw
Хариулах
2601:243:197e:8fc0:59bd:28db:a40e:d0ea
2022/07/08
0
0
bayrlax unen durtaiajil xiixdurgyi ard tumen
Хариулах
66.181.161.12
2022/07/08
1
0
Дорнод аймаг Хятад улсын харьяат болсон юм бишүү?
Хариулах
Шинэ мэдээ
Г.Занданшатар: Ард түмний баялгаас хулгай хийсан хэнбугай ч болов хуулийн хатуу цээрлэл хүлээх ёстой 5 минутын өмнө
​Жендерийн тэгш байдлыг хангах мэргэжилтэн, манлайлагчдын V чуулганыг зохион байгуулж байна 10 минутын өмнө
Австрали улсад найман тэрбум дахь иргэн болж мэндэлсэн А.Мэргэн хүү төрсний гэрчилгээгээ авчээ 31 минутын өмнө
"Асаж буй толгод" жүжгийг алслагдсан дүүргийн 650 гаруй сурагчдад үзүүллээ 54 минутын өмнө
П.Батчимэг: Ч.Ундрам гишүүн Төрийн ордонд үйлдэгдсэн хүн амины хэргийн үйлдсэн “эзнийг” мэдээд яриад байгаа бус уу 1 цагийн өмнө
Сэтгэл санааны хохиролд шаардсан 3,678,800 төгрөгийг хариуцагч төлөх үүрэгтэй гэж шийдвэрлэжээ 1 цагийн өмнө
Г.Занданшатар: Ард иргэдийн 75,3 хувь нь үнийн өсөлтөөс болж доройтож байгаа гэх судалгаа байна 1 цагийн өмнө
Малаа хураахаар яваад сураггүй болсон 61 настай иргэнийг эсэн мэнд олжээ 2 цагийн өмнө
Засгийн газрын хуралдаанаар нүүрсний хулгайн асуудлаар сонсгол хийж байна 3 цагийн өмнө
​Шинэ шийдэл бүхий оюутны дотуур байрны нэг өрөөнд хоёр оюутан амьдарна 3 цагийн өмнө
Улаанбаатарт 16 хэм хүйтэн 4 цагийн өмнө
Ц.Цэрэнпунцаг: Би нүүрсний хулгайч биш, миний хувь эзэмшдэг компани Австралийн биржид бүртгэлтэй 17 цагийн өмнө
Г.Ганболд: Нүүрсний хулгай тойрсон нээлттэй сонсголыг энэ сарын 21-нд зохион байгуулж, нууц гэрээнүүдийг ил болгоно 17 цагийн өмнө
Т.Доржханд: Нүүрсний хулгайчид илчлэгдэхгүй нь гээд баярлаад явж байна гэсэн 17 цагийн өмнө
УПЕГ: Нүүрсний бизнес дагасан авлигын хэргийг прокурор хаагаагүй 19 цагийн өмнө
"Монгол кантри мюзик" урсгалын уран бүтээлч Т.Баатар гэрэл зургийн үзэсгэлэнгээ нээлээ 19 цагийн өмнө
У.Цогтбаяр: Ард иргэд нэгдэж ЗГ-ыг ОУ-ын Арбитрын шүүхэд өгмөөр байна 19 цагийн өмнө
ЦЕГ: Эрэгтэй сурагчид найз охинтой нь хувийн харилцаа тогтоолоо гэж нэгнээ зодсон 19 цагийн өмнө
МАН-ЫН БҮЛЭГ: ҮХНӨ-өөр гишүүдийн тоо болон сонгуулийн тогтолцоог өөрчилнө 20 цагийн өмнө
МАН-ын бүлэг: Ерөнхий сайдыг эхлээд "Нүүрсчиддээ​ хариуцлага тооц" гэжээ 20 цагийн өмнө