УИХ-ын чуулган үргэлжилж байна. Хуралдааны үеэр УИХ дахь ардчилсан намын бүлгийн дарга О.Цогтгэрэл өнөөгийн яамдууд ажлаа тун хангалтгүй хийж байгааг шүүмжиллээ. Тэрээр “Засгийн газрын шинэ бүтцийн тухай хуулийг ярьж байна. Мэдээж л одоогийнхоос сайжруулна л гэж гоё зүйл хэлдэг. Одоо байгаа яамдуудын ажил ямар байгаа талаар би цөөн үг хэлье. Нийгмийн хамгааллын яам гэж насаараа нийгмийн даатгалд шимтгэл төлчхөөд хүн амынх нь 80 хувь хүнд амьдардаг ийм тогтолцоотой. Боловсролын яам гэж дэлгүүрийн худалдагч бэлдэж, хөдөөгийн малчдыг хаан банкны хүүгийн дарамтад оруулж байгаа. Хөдөө аж ахуйн яам нь гэхэд бүх мал нь шүлхийдсэн, 70 сая мал нь орлого олдог гэж байхгүй, улс орон даяараа гоц халдварт өвчинд автсан. Сангийн яам хагас жилийн хугацаанд гурван удаа төсвийн тодотгол хийдэг ийм төлөвлөлттэй яам сууж л байна. Уул уурхайн яам гэхэд гадаадын хөрөнгө оруулалт гэж байгаад хайгуул бүх зүйлээ хөөгөөд гаргасан одоо хийх ажил байгаа үгүй нь мэдэгдэхгүй нэг ийм яам байдаг. Барилгын яам гэхэд хуучин дүрэм журмаараа социализмын үеийнхээсээ салаагүй яваа. Эрчим хүчний яам гэхэд олон хөнгөлөлт чөлөөлөлт олон юм явсаар байгаад салбарын сайд нь хөлдөхөө зарлачихсан. Сүүлийн зургаан жилд 1 мвт байтугай 1квт чадал нэмээгүй ийм яам байна. Нөгөө талд нь өнгөрсөн жил айхтар ач холбогдолтой гэж байсан ч одоог хүртэл сайдгүй хоёр яам гэх мэтээр яамдуудын нөхцөл байдал ийм л байна. Гэтэл шинэ бүтэц бүрэлдэхүүн хотын сайд гээд орж ирж байна. Энэ бүхэнд нь олон дэвшил гарах болтугай гэж ерөөе” гэсэн юм.
Сэтгэгдэл (0)
Сэтгэгдэл бичигдээгүй байна