Сэлэнгэ аймгийн хорих ангиас оргосон этгээдийг эрэн сурвалжилж байна

ГАДНА ХЭСЭГТ АЖИЛЛАЖ БАЙСАН ХОРИГДОЛ ОРГОЖЭЭ

Хорих ангиас хоригдол оргосон талаар зарим мэдээллийн сайтад нийтлэгджээ. Энэ талаар Шүүхийн шийдвэр гүйцэтгэх ерөнхий газрын Гадаад харилцаа, хэвлэл мэдээллийн хэлтсээс тодрууллаа.

Хоригдол оргосон талаар мэдээлэл тавигдаад байна. Энэ талаар тайлбар өгөхгүй юу?

- Өчигдөр буюу 08 дугаар сарын 29-ний орой Сэлэнгэ аймгийн Мандал сум дахь хорих 413 дугаар нээлттэй, хаалттай ангиас хоригдол Б оргосон. Одоогоор эрэн сурвалжлах ажиллагаа явагдаж байна.

Ямар гэмт хэрэг үйлдсэн байсан талаар тодруулвал?

- Эрүүгийн хуулийн 17.1-р зүйлийн 1-дэх хэсэгт зааснаар 4 жил, 9 сар, 7 хоногийн хорих ялаар шийтгүүлсэн байсан. Хоригдол Б ногооны хэсэгт ажиллаж байсан бөгөөд түүнийг олж баривчилсны дараа оргосон шалтгаан нөхцөлийг тогтооно. Мөн тухайн үед ажилдаа хайхрамжгүй хандсан алба хаагчдад хариуцлага тооцож, эргэж мэдээлнэ. Эрэн сурвалжлах ажиллагаа явагдаж байгаа учир дэлгэрэнгүй мэдээлэл өгөх боломжгүй байна.