Өнгөрсөн шөнө буюу есдүгээр сарын 24-нөөс 25-нд шилжих шөнө ОХУ-аас орж ирсэн гурван иргэн архидан согтуурч улмаар нэг нь Монгол Улсын иргэн Г-гийн толгойг алхаар балбан зодож маш хүнд гэмтээсэн хэрэг гарчээ. Иргэн Г одоо Гэмтэл согог судлалын үндэсний төвд биеийн байдал нь маш хүнд байдалтай байгааг түүний ар гэрээс бидэнд мэдээллээ.
Ар гэрээс нь мэдээлж байгаагаар Иргэн Г-гийн тархи гурван хэсэгт цоорсон, нүд нь бяцарсны улмаас нэг тал нь хараагүй болсон байна. Архидан согтуурсан гурван Орос иргэний нэгийг цагдаагийн байгууллага саатуулсан ч мөрдөн байцаах ажиллагааг ОХУ-ын элчин сайдын яамнаас зөвшөөрөл авч байж эхлүүлнэ гэж ар гэрт нь хэлсэн гэлээ. Уг хэрэг БГД-ийн цагдаагийн хоёрдугаар хэлтэст харьяалагдаж байна.
Сэтгэгдэл (0)
Сэтгэгдэл бичигдээгүй байна