Хэнтий аймгийн Иргэдийн төлөөлөгчдийн хурлын XIII хуралдаан өнөөдөр буюу есдүгээр сарын 30-ны өдөр Хэнтий аймгийн Засаг даргын Тамгын газрын Иргэний танхимд болж байна. Уг хурлаар “Архи, согтууруулах ундааны талаар авах зарим арга хэмжээний тухай” тогтоолын төслийн санал оруулсан бөгөөд тус аймгийн ИТХ-ын төлөөлөгч нар тус тогтоолын төслийг 100 хувийн саналаар дэмжжээ.
Тус тогтоолын төсөлд, “Хэнтий аймгийн хэмжээнд үйл ажиллагаа явуулж байгаа нийт төрийн байгууллага, төр болон орон нутгийн өмчит хуулийн этгээдээс зохион байгуулах албан ёсны баяр, ёслолын арга хэмжээ, хүлээн авалт, хүндэтгэлийн ёслолд (18-аас дээш хувийн хатуулагтай этилийн спирт агуулсан согтууруулах ундаа) өндөр хатуулагтай этилийн спирт агуулсан архи, согтууруулах ундаа хэрэглэхийг хориглосугай” гэжээ.
Сэтгэгдэл (0)
Сэтгэгдэл бичигдээгүй байна