Хан-Уул дүүргийн 19 дүгээр хороо, Ээрмэлийн гудамжийг Туул гол гудамжтай холбосон авто зам барьж буй. Энэ хүрээнд "Номин" дэлгүүрийн зүүн хойд уулзвараас Орхон их сургууль хүртэлх замыг аравдугаар сарын 5-24-нийг хүртэлх хугацаанд хязгаарлан зам барилгын ажил гүйцэтгэх гэж байна.
Тус замыг гурван байршилд хөндлөн сэтэлж борооны ус зайлуулах шугам хийх, мөн хучилт, хэвтээ тэмдэглэл, явган хүний замын ажлыг хийж, гүйцэтгэнэ. Иймд дээрх хугацаанд иргэд, жолооч та бүхэн бусад замыг сонгон, хөдөлгөөнд оролцохыг Замын хөдөлгөөний удирдах газраас зөвлөлөө.
Ээрмэлийн гудамжийг Туул гол гудамжтай холбох авто замын гүйцэтгэгч долоодугаар сард шалгарч, наймдугаар сарын 14-нөөс замын ажил эхэлжээ.
Сэтгэгдэл (0)
Сэтгэгдэл бичигдээгүй байна