Өнгөрсөн 5-ны өдөр УИХ-ын гишүүн асан Ж.Батзандангийн ах Ж.Бат-Эрдэнийг авилгийн хэрэгт сэжиглэн, цагдан хорих 461 дүгээр анги руу авч явсан. Ж.Бат-Эрдэнийг Зам, тээврийн хөгжлийн яамны дэд сайдын албан тушаалыг хашиж байхдаа Улаанбаатар-Дархан чиглэлийн авто замын бүтээн байгуулалтын ажилд бусдад давуу байдал бий болгосон, мөн үндэслэлгүй хөрөнгөжсөн гэх үндэслэлээр АТГ-аас шалгаж эхэлсэн юм. Тэгвэл Ж.Бат-Эрдэнийг 30 хоногийн хугацаатай цагдан хорих саналыг хуулийн байгууллага гаргажээ. Харин эх сурвалжийн мэдээлж байгаагаар Ж.Бат-Эрдэнийн өмгөөлөгч нь шүүгчээс татгалзсан тул уг асуудлыг ерөнхий шүүгч хянан шийдэхээр хүлээгдэж байгаа юм байна. Хэргийг Чингэлтэй дүүргийн шүүхээр хэлэлцэж байгаа юм.
Сэтгэгдэл (0)
Сэтгэгдэл бичигдээгүй байна