Манай улс анх 2013 онд буюу одоогоос 10-аад жилийн өмнө ипотекийн зээл олгож эхэлжээ. Зээл олгож эхэлсэн цагаас хойш анх удаа цар тахлын үеийн эдийн засгийн нөхцөл байдалтай уялдуулж, ипотекийн зээл, зээлийн хүүгийн эргэн төлөлтийг сүүлийн хоёр жилийн хугацаанд царцаасан. Тиймээс ирэх оны нэгдүгээр сараас эхлээд иргэд авсан зээлийнхээ эргэн төлөлтийг төлж эхлэнэ. Харин эдийн засаг хүнд, иргэдийн амьдрал өдөр ирэх тусам дордож байгаа энэ цаг үед иргэдэд ипотекийн зээлийн эргэн төлөлт санхүүгийн хүнд дарамт болох нь ойлгомжтой. Тэгвэл зээлийн эргэн төлөлтийг дахин хойшлуулах эсэх асуудалд эрх баригч нарын дунд ч олон нийт дунд ч яригдах болсон. Хүлээлт үүсгээд байгаа дээрх асуудалд сангийн сайд Б. Жавхлан дараах байр суурийг илэрхийлж байна.
Сангийн сайд Б.Жавхлан : Ипотекийн зээл төлөлтийн хугацааг хойшлуулсныг үргэлжлүүлэх нь иргэдэд эрсдэлтэй. Тус зээлийн төлөлтийг хүчингүй болгох биш хойшлуулах боломжийг иргэдэд өгч байгаа. Гэвч хойшлуулах тусам улам хүндрэлтэй байдал бий болж байна. Ипотекийн зээл төлөлтийг хойшлуулах юм бол Цар тахлын хуулийг дахин сунгах нөхцөл үүснэ. Гэхдээ цаг байгаа тул энэ асуудлыг нухацтай авч үзнэ гэлээ.
Сэтгэгдэл (0)
Сэтгэгдэл бичигдээгүй байна