О.Мөнхжин, Б.Гантиг, Н.Эрхэмбаяр, Б.Идэр-Од нар нь бүлэглэн зохиомол байдлыг зориудаар бий болгож, үнэт цаасны зах зээлийг урвуулан ашиглаж IHC койн гарган, хөрөнгө татан төвлөрүүлж улмаар мөнгө угаах гэмт хэрэг үйлдэж байж болзошгүй гэх хэргийг хуулийн байгууллага шалгаж байгаа талаар бид мэдээлсэн. Энэ асуудалтай холбогдуулан О.Мөнхжин цахим хуудсандаа өөрийн байр суурийг илэрхийлж шалгагдаж байгаа зүйл байхгүй гэж мэдэгдсэн. Тэрээр: "Өнөөдөр хэвлэл мэдээллийн хэрэгслээр манай компани болон IHC койнтой холбоотой ор үндэсгүй, худал мэдээлэл тарсан байна. Энэ мэдээг бэлтгэж, зохион байгуулалттай цацсан хүмүүс Монголчуудын мэдээний агуулгыг бус гарчигийг уншиж, түүндээ дүгнэлт хийдэг байдлыг ашиглахыг оролдсон нь тодорхой байна. Манай төслийн үйл ажиллагаа эхнээсээ ил тод байсан. Одоо ч ил тод байгаа. Бидний хувьд ямар нэг хууль дүрэм зөрчсөн асуудал огтоос байхгүй гэдгийг хариуцлагатай мэдэгдье. IHC койныг цагдаагаас шалгаж, прокурорын байгууллагаас хяналт тавьж ажиллаж байгаа зүйл байхгүй" гэсэн юм.
Тэгвэл энэ асуудлын талаар ЦЕГ-ын дарга Ж. Болдоос тодруулахад: Койнтой холбоотой асуудлаар шалгагдаж байгаа хэргүүд бий гэлээ. Өөрөөр хэлбэл койны асуудлаар О. Мөнхжин, Б.Идэр-од нар шалгагдаж байгаа гэх мэдээллийг тэрээр үгүйсгээгүй юм.
Сэтгэгдэл (0)
Сэтгэгдэл бичигдээгүй байна