ГХЯ: Сөүл дэх Консулын газраас зодуулсан эмэгтэйн асуудлаар цагдаагийн байгууллагатай уулзаж байна

Цахим сүлжээнд БНСУ-д ажиллаж байгаа Монгол эмэгтэйг ажил олгогч БНСУ-ын эрэгтэй эхнэртэйгээ нийлж зодож буй бичлэг цацагдсан. Олон нийтийн бухимдлыг төрүүлж байгаа уг бичлэгтэй холбогдуулан Монгол Улсаас БНСУ-д суугаа Элчин сайдын яамныхан анхаарлаа хандуулж эхэлсэн талаар бид мэдээлсэн. Тэгвэл ГХЯ-наас "Сөүл дэх Консулын газар яг одоо зодуулсан эмэгтэйн асуудлаар БНСУ-ын цагдаагийн газартай уулзаж байна. Цагдаагийн газраас шалгаж эхэлсэн. Хэзээний бичлэг, хэн болох нь гэх мэтээр хэргийн мэдээллийг тодруулахаар ажиллаж байна" гэлээ.