Хэрэглээний бараа, үйлчилгээний үнэ 13.8 хувиар өсжээ

Инфляцын түвшин 2022 оны есдүгээр сард улсын хэмжээнд 13.8 хувьтай гарсан байна. Үүний 7.7 (55.5%) нэгж хувь нь импортын барааны үнийн өсөлтөөс шалтгаалсан байна. 

Хэрэглээний бараа, үйлчилгээний үнэ 2022 оны есдүгээр сард өмнөх оны мөн үеэс 13.8 хувиар өсөхөд нөлөөлсөн зүйлсийг танилцуулъя: 

• Хүнсний бараа, ундаа, усны бүлгийн үнэ дүнгээрээ 17.1 хувь (мах, махан бүтээгдэхүүн 2.2 хувь, согтууруулах бус ундааны дэд бүлгийн үнэ 25.9 хувь)
• Согтууруулах ундаа, тамхины бүлгийн үнэ дүнгээрээ 7.9 хувь
• Хувцас, бөс бараа, гутлын бүлгийн үнэ дүнгээрээ 17.7 хувь,
• Орон сууц, ус, цахилгаан, хийн болон бусад түлшний бүлгийн үнэ дүнгээрээ 12.0 хувь
• Эм тариа, эмнэлгийн үйлчилгээний бүлгийн үнэ дүнгээрээ 20.3 хувь
• Тээврийн бүлгийн үнэ дүнгээрээ 9.3 хувиар тус тус өссөн нь голлон нөлөөлсөн байна.