Д.Тогтохсүрэн: Ипотекийн зээлийг хойшлуулахгүй байхаар шийдвэрлэсэн

МАН-ын бүлэг хуралдаж, хэлэлцсэн асуудлын талаар мэдээлэл өгсөн. Энэ үеэр сэтгүүлчид ипотекийн зээл төлөлтийг хэрхэх талаар тодрууллаа. 

Уг асуултад УИХ дахь МАН-ын бүлгийн дарга Д.Тогтохсүрэн хариулахдаа тэрбээр  "Засгийн газар ирэх сарын 1-нээс төлөлтийг хэвийн үргэлжлүүлнэ гэх санал оруулж ирсэн. УИХ-ын ажлын хэсэг сунгах тухай асуудлыг нэлээн олон удаа ярьсан. Ингээд ажлын хэсэг дээр олон удаа ярьж байгаад зээл төлөлтийг хойшлуулах нь дараа дараагийнхаа зээлэнд сөргөөр нөлөөлж байгаа учраас Засгийн газрын оруулж ирсэн саналаар явуулъя гэж тогтсон. Өөрөөр хэлбэл,  ипотекийн зээл төлөлтийг ирэх сарын 1-нээс хуучнаар нь буюу төлөө явахаар шийдвэрлэсэн" гэлээ.