​Х.Алтай: 1072 хувьцаа Хөрөнгийн биржид бүртгэлгүй, ЗГ шийдвэр гараад эдийн засгийн эргэлтэд оруулж болно​

УИХ-ын чуулганы өнөөдрийн хуралдаанаар Уул уурхайн биржийн тухай хуулийг хэлэлцэж байна. Хэлэлцэж байгаа асуудалтай холбогдуулан асуулт асууж, хариулт авч байна.

 УИХ-ын гишүүн Г.Дамдинням болон  Ц.Цэрэнпунцаг нарын зүгээс 1072 хувьцаа яаж амь оруулах вэ?  Ард түмэн бол хувьцаа эзэмшдэг нэртэй, ашиг авах, зарцуулах боломжгүй 10-аад жил явчихсан.  Ард түмэнд өмчийг нь өгөх тухай л ойлголт өгөхийг хүссэн. 

 Хөрөнгийн бирж захирал Х.Алтай "1072 хувьцааны бүртгэл хөрөнгийн бирж дээр хийгдээгүй. Үнэт цаасны төвлөрсөн хадгаламжийн төв дээр хийгдсэн. 2012 оны гуравдугаар сарын 1-ээс өмнөх төрсөн хүмүүст олгосон. Хөрөнгийн бирж дээр бүртгэлгүй. Арилжих нөхцөл бүрдүүлэхийн тулд Засгийн газрын холбогдох шийдвэр гараад 1072 хувьцааг эдийн засгийн эргэлтэд оруулж болно" гэв.