Г.Тэмүүлэн: Би сайдын саналаас татгалзсан

УИХ-ын гишүүн Г.Тэмүүлэн "Миний хувьд одоогийн байдлаар Төсвийн байнгын хорооны ажлыг хүлээж аваад удаагүй байна. Энэ хүрээнд төсвийн шинэчлэлийг хийх ажлыг эхлүүлээд явж байна. 

Төсвийн байнгын хорооноос ирэх долоо хоногоос 10 орчим хуульд нэмэлт өөрчлөлт оруулахаар төлөвлөж байна. Сүүлийн 10 гаруй жил хийгээгүй том өөрчлөлтийг хийнэ. Та бүхний асуултад хариулахад Ерөнхий сайд Л.Оюун-Эрдэнэ надад Боомтын сайдаар ажиллах санал тавьсан ч татгалзсан. Миний хувьд эхлүүлсэн ажлаа үргэлжлүүлж хийнэ. Төсвийн шинэчлэлд гол анхаарлаа хандуулж, төвлөрч ажиллана" хэмээсэн юм.