УИХ-ын гишүүн Д.Пүрэвдоржийн албан өрөөнд нь буюу Төрийн ордны хоёр давхрын 203 тоотод УИХ дахь Ардчилсан намын бүлгийн гишүүд Д.Ганбат, Д.Бат-Эрдэнэ, Ш.Адьшаа, О.Цогтгэрэл нар үдийн цай уужээ.
Энэ үеэр нэр бүхий гишүүдийн дунд маргаан гарч, нэгнийхээ биед халдахыг завдсан байна. Тодруулбал, УИХ-ын гишүүн О.Цогтгэрэл УИХ-ын гишүүн Д.Ганбатыг заамдаж, сууж байсан сандал дээрээс нь татаж босгон улмаар чихрийн тавгаар цохих гэж байхад нь УИХ-ын гишүүн Д.Пүрэвдорж уг үйлдлийг таслан зогсоожээ.
УИХ дахь АН-ын бүлгийн дарга О.Цогтгэрэл, УИХ-ын гишүүн Д.Ганбат нар өрөөний маргаантай байгаа. О.Цогтгэрэл УИХ дахь АН-ын бүлгийн дарга болсноосоо хойш Д.Ганбатыг өрөөгөө суллаж өгөхийг шаардсан ч түүний хувьд өрөөгөө суллаж өгөхгүй, учир нь тухайн өрөөг нь АН-ын бүлгийн дарга болохоос өмнө буюу гишүүнээр сонгогдож орж ирэхэд нь УИХ-ын Тамгын газраас хуваарилж өгсөн өрөө" хэмээн тайлбарласаар ирсэн.
Эцэстээ тэдний дундах өрөөний маргаан зодоондоо тулсан нь өнөөдрийн дээрх үйлдлээс нь харагдаж байна.
Сэтгэгдэл (0)
Сэтгэгдэл бичигдээгүй байна