Асаалттай зулнаас гал алдаж, орон сууцны дулааны шугам дэлбэрчээ

Цагдаагийн байгууллагад 2023 оны хоёрдугаар сарын 23-ны өдрийн 05 цаг 46 минутад Баянгол дүүргийн 6 дугаар хорооны нутаг дэвсгэрт байрлах байрны “7 дугаар давхарт газ дэлбэрч, гал гарсан байна” гэх дуудлага, мэдээлэл бүртгэгджээ.

 Дуудлага, мэдээллийг тус дүүргийн цагдаагийн газрын хоёрдугаар хэлтсээс шалгахад тус тоотод асаалттай байсан зулнаас гал алдаж улмаар өрөөний дулааны шугам хэт халалтын улмаас буудаж дэлбэрчээ.  

Улмаар тус тоотын доод давхрын айлын өрөөний тааз хэсэг цөмөрч, гадна зогсоолд байсан Тоёота маркийн хоёр тээврийн хэрэгсэл дээрээс хагарсан шил зэрэг эд зүйл унаж эвдрэл үүссэн хэрэгт мөрдөн шалгах ажиллагаа явуулж байна. Ослын улмаас хүний биед гэмтэл, бэртэл учраагүй байна.