Ерөнхийлөгч У.Хүрэлсүх бөхчүүдийн гурван үеийн төлөөллийг хүлээн авч, золголт хийв

Монгол Улсын Ерөнхийлөгч У.Хүрэлсүх өчигдөр /2023.03.02/ бөхчүүдийн гурван үеийн төлөөлөл болон МҮБХ-ны Ажлын албаныхныг хүлээн авч золголт хийж, хүндэтгэл үзүүлжээ. 

Золголтын үеэр Монгол Улсын Ерөнхийлөгч У.Хүрэлсүх бөхчүүддээ хандан Монгол бөхийн нэр хүнд, уламжлал, жудаг ёсыг үргэлжид өндөрт өргөж, Монгол эр хүний эрхэм чанаруудыг ямагт дээдлэн суралцаж, залуу хойч үедээ үлгэрлэж явахыг тодотгон хэлжээ. Түүнчлэн Ерөнхийлөгч У.Хүрэлсүх Сар шинийн барилдааны үеэр хүрэлцэн ирсэн 40 ахмад бөхөд гарын бэлгээ гардуулжээ.