Ч.Уранхолбоо: 500 сая төгрөг өгөхөөс нааш хоёр настай охины хэрэг шийдэгдэхгүй гэж хэлсэн

Төрсөн эцэгтээ хүчирхийлүүлсэн хоёр настай охинтой холбоотой асуудлаар хохирогчийн ээж болон “Хөөрхөн дэлхий” ТББ-ын тэргүүн Ч.Уранхолбоо мэдээлэл хийлээ. 

Энэ үеэр Ч.Уранхолбоо "Миний гар утас руу ойр ойрхон давтамжтай хүмүүс залгадаг. Наад хэрэг чинь 500 сая төгрөг өгөхөөс нааш шийдэгдэхгүй гэж хэлснийг би үнэхээр ойлгоогүй. Чи тэр хэмжээний мөнгийг нь гаргаж чадахгүй бол наад хэргийнхээ ард нь гарч чадахгүй байж больчих гэж хэлдэг.  Уучлаарай, би яагаад болих гэж, яагаад ийм өрөвдөлтэй нийгмийг бид бүтээчихсэн юм бэ. Хоёрхон настай хүүхэд бие, сэтгэлээрээ хохирчихоод байхад ийм арчаагүй байж болохгүй биз дээ.

 Хүүхэд өөрөө ярьж, анхны шинжээч эмчийн дүгнэлт байсаар байхад прокурорын байгууллага яагаад үүнийг нотлох баримт гэж авч үзэхгүй байгаа юм бэ. Хүүхэд хүндээр хохирчихоод байхад яагаад баримт нотолгоо шаардаад байгаа юм бэ. Охины биед идээт үрэвсэл, шарх гарч байгаа. Цочролд орсны улмаас охины үс их унаж байгаа. Би аргаа бараад УИХ-ын даргад хандахад намайг тоглоом шоглоом болгосон.  Би тухайн үед ягаан өнгийн пиджак өмсөөд очиход нийгэмд элдэвлүүлээд өнгөрсөн" гэлээ.