Яллагдагчаар татагдсан Ж.Мөнхбат БНСУ-аас Монголд ирээгүй байна

Ш.АДЪЯАМАА

2023/03/09

Нүүрсний дуулиан дэгдэхтэй зэрэгцэн УИХ-ын гишүүн Ж.Мөнхбат бүрэн эрхээсээ татгалзах хүсэлтээ энэ оны нэгдүгээр сарын 30-нд УИХ-ын дарга Г.Занданшатарт өгсөн билээ. Түүнийг нүүрсний хэрэгт холбогдуулан яллагдагчаар татсан болохыг АТГ-аас мэдээлсэн.

Тодруулбал, УИХ-ын гишүүн Ж.Мөнхбатыг албан тушаалын байдлаа урвуулан ашиглаж бусдад давуу байдал бий болгон хохирол учруулсан, үндэслэлгүйгээр хөрөнгөжих гэсэн үндэслэлээр шалгаж байгаа юм.

Үүнээс урьтаж Ж.Мөнхбат өөрийн хүсэлтээр бүрэн эрхээсээ татгалзахдаа хууль хяналтынханд шалгуулахаа илэрхийлсэний сацуу ээжийгээ гадаадад эмчлүүлэхээ дурдаж, УИХ-ын тухай хуулийн 10.1.2 дахь заалтын дагуу хүндэтгэх шалтгаанаа доорх өргөдөл хүсэлтдээ тодорхой дурьдсан байдаг.

Дээрх хүсэлтийг гаргасны маргааш өдөр нь буюу хоёрдугаар сарын 1-ний өдөр тэрбээр БНСУ руу явсан бөгөөд өнөө хэр Монголын хилээр орж ирээгүй байна. Ирэх долоо хоногт УИХ-ын хаврын чуулганы эхэнд УИХ-ын гишүүн Ж.Мөнхбатыг бүрэн эрхээс нь чөлөөлөх эсэх асуудлыг чуулганаар хэлэлцэнэ.

Сэтгэгдэл (23)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

103.229.121.228

2023/03/12

УИХ-н гишүүдээс ер нь хэдэн хүн үлдэх бол...хулгайч , авилгад өртөлгүй шүү. Надад л лав 5 хуруунд багтах төдий. Тэд одоо бль. Бүгд татан буугд. Болсон. Монголын түүхийг харлуулж дэлхийн жишиг болголоо. Даан ялангуяа сүүлийн 7 жилд хоёр том намын толгойд гарагсад, одоо бүүр ичихээ байлаа. Бууцгаа. Буухгүй бол ял чинь улам хүндэрнэ .