​Х.Нямбаатар: Гадагшаа оргон зайлсан этгээдүүдийн дансыг хаах чиглэлийг Ерөнхий сайд өглөө

Ш.АДЪЯАМАА
2023/03/22

Засгийн газрын хуралдаанаас гарсан зарим шийдвэрийн талаар ХЗДХ-ийн сайд Х.Нямбаатар мэдээлэл хийлээ. 

Тэрбээр мэдээллийн эхэнд  “Ерөнхий сайд хэд хэдэн үүрэг чиглэл өгсөн. Авлигтай тэмцэх ажлыг эрчимжүүлэх хүрээнд  "Шувуу" ажиллагааны хүрээнд гадаад улсад оргон зайлсан хүмүүсийн хувийн дансыг хааж, царцаах ажлыг мөрдөх байгууллагуудтай хамтран хийх үүрэг даалгавар өглөө.

 АТГ-т шалгагдаж байгаад мөрдөн байцаалтын явцад оргон зайлж, мөрдөн байцаах үйл ажиллагааг тасалдуулсан 18 хүн байгаа. Бусад мөрдөх байгууллагуудад харьяалагдах хүмүүстэй нийлээд 100 гаруй хүнийг ирж хайх,  нутагтаа авчирч, мөрдөн шалгах ажиллагааг цаашид хэвийн үргэлжлүүлэх ажлыг эрчимжүүлэх үүрэг чиглэлийг Ерөнхий сайд өглөө.

Өмнө нь мөрдөн байцаагчийн саналыг үндэслэж, прокурорын тогтоолоор дээрх хүмүүсийн гадаад паспортыг хүчингүй болгож, гадаад улсуудын хилийн шалган нэвтрүүлэх байгууллагууд руу хүргүүлэх үүргийг өгсөн. Энэ ажил хийгдэж байгаа. 

Өнөөдөр энэ хүмүүсийн санхүүжилт, гадаадад ашиглаж байгаа дансуудыг хаах үүрэг өглөө. Үүнийг мөрдөх байгууллагын санал, прокурорын тогтоолоор холбогдох банк санхүүгийн байгууллагуудтай хамтран хийхээр төлөвлөсөн.

Хоёрдугаарт,  хувийн хэвшлийг дэмжиж, төрийн хүнд суртал, дарамтаас гаргах үүднээс төрийн байгууллага, албан тушаалтан эс үйлдэл үзүүлж, хувийн хэвшлийн аж ахуйн үйл ажиллагаанд саад тотгор үзүүлж байгаа үйлдлийг Эрүүгийн хуульд оруулах үүрэг чиглэлийг мөн өгсөн. 

Өнөөдрийн хүчин төгөлдөр үйлчилж байгаа Эрүүгийн хуулийн 22.1-д албан тушаалын байдлаа урвуулан ашиглах үйлдэл, эс үйлдэхүйг хуульчилсан байгаа ч үүнийг илүү тодотгож, хувийн хэвшлийг төрийн байгууллага, албан тушаалтны элдэв хууль бус үйлдэл, эс үйлдэхүйгээс хамгаалах Эрүүгийн эрх зүйн орчныг тодорхой болгох чиглэл өгсөн" гэлээ. 

Мөн үргэлжлүүлэн тэрбээр " Бид ирэх сарын хоёр дахь долоо хоногт багтаан Эрүүгийн хэрэг, Эрүүгийн хэрэг хянан шийдвэрлэх тухай хуульд нэмэлт өөрчлөлт оруулах хуулийн төслүүдийг УИХ-д өргөн мэдүүлэхээр бэлтгэж байна. 

Эрүүгийн хэрэгт яллагдагчаар татагдсан этгээдэд авдаг таслан сэргийлэх арга хэмжээнүүдийн төрлийг нэмэгдүүлж, шаардлагагүй тохиолдолд цагдан хорих, таслан сэргийлэх арга хэмжээг авахгүй байх, хүний эрхийг хангах, эрүүдэн шүүлгэхийн эсрэг эрх зүйн хамгаалалтыг тогтоож өгье гэдэг агуулгаар зорчих эрхийг хязгаарлах, таслан сэргийлэх арга хэмжээг шинээр мөн Эрүүгийн хуульд оруулахаар боллоо" гэсэн юм. 



0
angry
0
care
4
haha
0
liked
3
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Х.Булгантуяа: Цалинтай ээжийн 50 мянгыг нэмэх санал хүргүүлсэн 4 цагийн өмнө
Ирэх сард ихэнх нутгаар хүйтэн байна 5 цагийн өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 6 цагийн өмнө
Зам засварын ажил ирэх сарын 10-наас эхэлнэ 7 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 7 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 9 цагийн өмнө
Сурагчид өнөөдөр хичээллээд амарна 9 цагийн өмнө
Танилц: Өнөөдөр цахилгаан хязгаарлах байршлууд 9 цагийн өмнө
Ойрын хоёр хоногтоо салхитай хүйтэн байна 9 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна Өчигдөр
​Б.Баярсайхан: Намайг төрд хэрэгтэй гэвэл би нэр дэвшинэ Өчигдөр
Бага тойруугийн 30 гаруй байршилд өдрийн цагаар зогсоол хамгийн эрэлттэй байна Өчигдөр
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна Өчигдөр
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана Өчигдөр
Дөрөвдүгээр сард зохион байгуулагдах хүчит бөхийн барилдааны хуваарь Өчигдөр
Хүүхдийн паркт амьтны хүрээлэн ажиллаж байна Өчигдөр
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр