Эх оронч үзлийг төлөвшүүлэхэд дэмжлэг үзүүлнэ

М.Төгөлдөр
2023/03/25

Залуусын хөгжлийг дэмжих, тэдний нийгмийн оролцоог нэмэгдүүлэх, энэ чиглэлд нийслэлийн зүгээс хамтран ажиллах боломжуудыг бий болгох, залуу үеийн санал, санаачилгыг бодлогод тусгах зорилгоор “4D Youth-For Developed Youth” цуврал уулзалтыг хийж байгаа билээ. Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч, Нийслэлийн залуучуудын зөвлөлийн салбар зөвлөлийн дэд тэргүүн З.Төмөртөмөө энэ удаа Үндэсний батлан хамгаалахын их сургуулийн оюутнуудтай уулзлаа.

Уулзалтад Үндэсний батлан хамгаалахын их сургууль /ҮБХИС/-ийн захирал, бригадын генерал П.Жаргалан болон харьяа сургуулийн оюутан, сурагч, сонсогчдын төлөөлөл оролцсон юм. Мөн НЗДТГ-ын Цэргийн штабын дарга, хурандаа Г.Ялалт, Зэвсэгт хүчний 335 дугаар ангийн ахлагч Х.Эрдэнэдаваа нар илтгэл хэлэлцүүлж, туршлага, мэдлэгээсээ хуваалцсан.

Арга хэмжээнд ҮБХИС-ийн харьяа Цэргийн нэгдсэн дээд сургууль, Аюулгүй байдлын дээд сургууль, Тэмүжин-Өрлөг сургуулийн сонсогч, оюутан, сурагчдын төлөөлөл оролцож байгааг тус сургуулийн захирал, бригадын генерал П.Жаргалан онцолж байлаа.

Нийслэлийн Засаг даргын орлогч, Нийслэлийн залуучуудын зөвлөлийн салбар зөвлөлийн дэд тэргүүн З.Төмөртөмөө:

-Өнгөрсөн долоо хоногт бид анагаах ухаан, соёл урлагийн чиглэлээр суралцаж байгаа оюутан залуустай уулзаж, тэдний санал бодол, хүсэлтийг сонслоо. Өнөөдөр улс орныхоо тогтвортой хөгжил, аюулгүй байдлыг хангах батлан хамгаалах салбарт ажиллах, энэ чиглэлээр суралцаж буй та бүхэнтэйгээ уулзаж байгаадаа баяртай байна. Та бүхэн хүндэтгэл, бахархал, хариуцлагыг хослуулан, ирээдүйдээ үлгэрлэж, эх оронч үзлийг төлөвшүүлэхэд хувь нэмрээ оруулан сурч, ажиллана гэдэгт итгэлтэй байна гэлээ.

Эх оронч үзэл, үндэсний бахархлыг хамгаалах, залуу хойч үедээ төлөвшүүлэх, сурталчлан таниулах хүрээнд хийх ажил, зохион байгуулах арга хэмжээг нийслэлийн зүгээс үргэлж дэмжих, энэ чиглэлд сургуулийн оюутны холбоотой хамтран ажиллахыг тэрбээр мөн онцолсон.

Энэ үеэр НЗДТГ-ын Цэргийн штабын үйл ажиллагааны чиглэл, зорилгын талаар хурандаа Г.Ялалт танилцуулсан бол Зэвсэгт хүчний 335 дугаар ангийн ахлагч Х.Эрдэнэдаваа АНУ-ын Явган цэргийн “Рейнжер” сургалтад оролцсон туршлагаасаа хуваалцав.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС


0
angry
0
care
1
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Х.Булгантуяа: Цалинтай ээжийн 50 мянгыг нэмэх санал хүргүүлсэн 4 цагийн өмнө
Ирэх сард ихэнх нутгаар хүйтэн байна 5 цагийн өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 6 цагийн өмнө
Зам засварын ажил ирэх сарын 10-наас эхэлнэ 7 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 7 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 9 цагийн өмнө
Сурагчид өнөөдөр хичээллээд амарна 9 цагийн өмнө
Танилц: Өнөөдөр цахилгаан хязгаарлах байршлууд 9 цагийн өмнө
Ойрын хоёр хоногтоо салхитай хүйтэн байна 9 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна Өчигдөр
​Б.Баярсайхан: Намайг төрд хэрэгтэй гэвэл би нэр дэвшинэ Өчигдөр
Бага тойруугийн 30 гаруй байршилд өдрийн цагаар зогсоол хамгийн эрэлттэй байна Өчигдөр
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна Өчигдөр
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана Өчигдөр
Дөрөвдүгээр сард зохион байгуулагдах хүчит бөхийн барилдааны хуваарь Өчигдөр
Хүүхдийн паркт амьтны хүрээлэн ажиллаж байна Өчигдөр
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр