О.Цогтгэрэл: Олон нийтэд таалагдахын тулд гурван гишүүнийг золиос болгож байна

УИХ хурал өнөөдөр /2023.03.30/ хаалттай горимоор хуралдаж УИХ-ын гурван гишүүнийг түдгэлзүүлэх эсэх асуудлыг хэлэлцэж буй. 

Бид уг асуудалтай холбоотойгоор УИХ-ын гишүүн О.Цогтгэрэлээс байр суурийг нь тодруулахад "Хуулийн байгууллага олон нийтийн санаа бодолд нийцүүлж ажлаа явуулж байна. Хэдэн сарын өмнө 40 их наядын асуудал яригдаж, анх гарч ирсэн байхад одоо болохоор  60-70 сая төгрөгийн асуудал яриад, нэг машин нааш, цааш нь оруулсан асуудлыг ярьж байгаа нь нийгмийн эсэргүүцлийг дарах гэсэн зорилго гэж харагдаж байна. Том сенсацитай хэргүүд яасан юм. Их хурлын гишүүн ч гэсэн Монгол Улсын иргэн. Манай намын бүлгийн гишүүний нэр холбогдоод байгаа гэх энэ хэрэг ил тод нээлттэй, олон улсын хөрөнгийн бирж дээр бүртгэлтэй, санхүүгийн тайлан нь ил. Гэтэл олон нийтээр дульдуйдсан улс төрийн зорилго явж байгаа нь харагдаж байна" гэлээ.