Шуурхай: Н.Наранбаатарыг авч үлдэн Д.Бат-Эрдэнэ, Т.Аюурсайхан хоёрын бүрэн эрхийг түдгэлзүүлэхээр УИХ шийджээ

УИХ-ын чуулганы хуралдаан өнөөдөр /2023.03.30/ 10:00 цагаас эхлэн хуралдаж УИХ-ын гишүүн Д.Бат-Эрдэнэ, Т.Аюурсайхан, Н.Наранбаатар нарын бүрэн эрхийг түдгэлзүүлэх эсэх асуудлыг хаалттайгаар хэлэлцсэн. 

Тэгвэл дөнгөж сая нийт гишүүдийн хуралдаанаар УИХ-ын гишүүн Н.Наранбаатарыг авч үлдэн Д.Бат-Эрдэнэ, Т.Аюурсайхан хоёрын бүрэн эрхийг түдгэлзүүлэхээр Улсын Их Хурал шийдсэн байна.

Гурван гишүүнийг түдгэлзүүлэх эсэх асуудалд их хурлын 75 гишүүнээс 66 гишүүн цаасаар, нууцаар санал өгч нийт гишүүдийн олонхи Н.Наранбаатар гишүүнийг түдгэлзүүлэх шаардлагагүй хэмээн өөрсдийн итгэл үнэмшлээр санал өгсөн хэмээн УИХ дахь МАН-ын бүлгийн дарга Д.Тогтохсүрэн мэдээллээ.