Кёкүшюзан Д.Батбаярыг хутга барьж танхайрсан хэргээр шалгаж байна

Кёкүшюзан Д.Батбаяр Хан-Уул дүүргийн цагдаагийн нэгдүгээр хэлтэст шалгуулж байна. Тодруулбал, тэрбээр дөрөвдүгээр сарын 2-ны өдөр Хан-Уул дүүрэгт хутга балиас ашиглан хулдаасан хэвлэл зүсэж, танхайрсан тул СӨХ-ноос цагдаад гомдол гаргасан байна.

Хан-Уул дүүргийн Грийнхаус хотхоны СӨХ-ны дарга С.М нь Кёкүшюзан Д.Батбаяр, Т.Баясгалан нар нь албан ёсны зөвшөөрөлгүй барилга барьж байна хэмээн үзэж, хотхоны өмнө барилга бариулахыг эсэргүүцжээ.

Тэрбээр "Грийнхаус хотхоны байранд нийтийн орон сууцны орчны булан бүрд Токио тауэр, спорт заал, таун хаус, 14 айлын орон сууц, Кёкүшюзан сан гэх таван барилга бариад бүгдийг нь зарж дуусгасан. Одоо Грийнхаус хотхоны урдах спорт заал, орон сууцыг нурааж, 14 давхар оффисын барилга барих гэж байна. Хотхоны 300 гаруй оршин суугчдын эрх ашиг зөрчигдөж байна" гэжээ.

Улмаар "Гэр бүлийн хоёр эргэн тойрны бүх газрыг ховх сорж, мөлжиж дуусгасан ч ханаж цадсангүй. Бидний амьдралыг бусниулж, орон гэрээсээ дайжих нөхцөлийг тулгаж байна. Бид хотхоноосоо явахгүй. Барилга барихыг эсэргүүцэж байна. Барилга барихыг зогсоох хүртэл тэмцэнэ" гэх бичигтэй хулдаасан самбарыг хадсан байна.

Уг хулдаасан самбарыг иргэн Кёкүшюзан Д.Батбаяр хутгаар хуулж, зүсэж танхайрсан тул СӨХ-ноос нь цагдаад өргөдөл гаргасан юм байна.