Ажлаасаа гарч яваад сураггүй болсон 60 настай эрэгтэйг эрэн хайх ажиллагааг эхлүүлжээ

Төв аймгийн Сэргэлэн сумын Баянбүрд баг, “4 дүгээр зөрлөг” гэдэг газар /аймгийн төвөөс зүүн зүгт 26 км, сумын төвөөс зүүн зүгт 15  км/-т боржин чулууны үйлдвэрийн ажилтан Э, 04.01-ний өдрийн 06:00 цагийн орчим  тухайн үйлдвэрээс гарч яваад сураггүй болсон тухай дуудлагыг 04.05-ны өдрийн 18:30 цагт Онцгой байдлын алба хүлээн авсан байна. 

Тус аймгийн Онцгой байдлын газрын эрэн хайх, аврах салбарын алба хаагчид иргэн Э /60 настай, эрэгтэй/-г эрэн хайх ажиллагааг өнөөдөр 07:00 цагт эхлүүлжээ.