Тавантолгой өртөөнөөс Гашуунсухайт чиглэлд төмөр замаар нүүрс тээвэрлэж эхэллээ

“Тавантолгой“ХК нь “Тавантолгой төмөр зам” ХХК-тай “Төмөр замаар нүүрс тээвэрлэх гэрээ”-г байгуулсаны дагуу анхны тээврийг эхлүүлж, 22 вагон 44 чингэлэг бүхий нийт 1395 тонн нүүрсийг Тавантолгой өртөөнөөс Гашуун сухайт өртөө чиглэлд тээвэрлэсэн байна.

Хамтын ажиллагааны хүрээнд 2023 онд нийт 500 мянган тонн нүүрсийг төмөр замаар тээвэрлэхээр тохиролцсон бөгөөд цаашид тээвэрлэлтийг нэмэгдүүлэх чиглэлд анхаарч байгаа аж. Экспортод гаргах нүүрсийг төмөр замаар тээвэрлэснээр авто замын тээвэртэй харьцуулахад тээврийн зардал 2-3 дахин буурах төдийгүй байгаль орчин, эдийн засгийн өндөр ач холбогдолтой юм.